Daniel 5:23 - BAIBLO ALOO NGMAMI KLƆUKLƆU Ɔ

²³ O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Daniel 5:23 ပူးပေါင်းရင်းမြစ်များ

Hiob 12:10

Níhi nɛ ngɛ hɛ ngmengmle tsuo, Mawu lɛ ha mɛ wami; nimli adesahi tsuo a wami ngɛ Mawu dɛ mi.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Yeremia 10:23

Yawɛ, i le kaa nɔmlɔ adesa ko be he wami ngɛ lɛ nitsɛ e wami nɔ. Pi nɔmlɔ adesa nitsɛ he wami nya ji kaa e maa pee kikɛ nɛ ɔ, loo kikɛ nɛ ɔ.

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Abɛ Womi 20:24

Blɔ nɛ nɔ maa nyɛɛ nɔ ɔ, Yawɛ lɛ tsɔɔ. Lɛɛ kɛ nɔ ko maa pee kɛ maa le lɛ nitsɛ e blɔ kɛɛ?

Hiob 31:4

Mawu le nɔ́ tsuaa nɔ́ nɛ i peeɔ; e le ye blɔ ɔmɛ tsuo.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

La 139:3

Ke i ma blɔ ɔ, o le nɛ ke i hwɔ si hu o le; ee, ye ní peemi níhi tsuo o le.

Matsɛmɛ II, 14:10

Amazia, o gbe Edom bi ɔmɛ; enɛ ɔ he je ɔ, o ngɛ o he nɔ woe. Amlɔ nɛ ɔ, o he biɛ. Lɔ ɔ he ɔ, ha nɛ o bua nɛ jɔ o he nɛ o hi si ngɛ o we mi. Mɛni he je nɛ o ngɛ sane yee kikɛ nɛ ɔ? Anɛ o li kaa nɔ́ nɛ ɔ kɛ haomi maa ba o kɛ Yuda tsuo nyɛ nɔ lo?”

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Ni Tsumi 17:25

Jehanɛ hu nɔ́ ko nɔ́ ko hia we lɛ nɛ wa ma nyɛ ma ha lɛ. Wa nine nya nɔ́ ko hia we lɛ kaa nɔ ko nɛ nɔ́ ko fĩɔ lɛ nɛ adesa ma nyɛ maa pee ha lɛ. Ejakaa lɛ mohu lɛ e haa wɔ wami, kɛ mumi nɛ wa muɔ. Nɔ́ tsuaa nɔ́ nɛ hia wɔ ɔ, lɛ nɛ e haa wɔ.

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Ezekiel 31:10

“Jehanɛ lɛɛ, jamɛ a tso ɔ nɛ bɔ kusuu, nɛ e nɔ kuɔ gojoo kɛ su bɔku mi tɔɔ ɔ, imi Nyɔmtsɛ Yawɛ nitsɛ ma tsɔɔ mo nɔ́ nɛ maa ba e nɔ. Akɛnɛ e nɔ kuɔ gojoo he je ɔ, e wo e he nɔ nɛ e fĩa;

Ezekiel 28:17

O he fɛu ɔ he ɔ, o wo o he nɔ gojoo, nɛ o je kuasia. Lɔ ɔ he ɔ, i tsɛ̃ mo ngɔ fia si ngɛ zugba bum. Bɔ nɛ o nyagbe ba ha nɛ ɔ maa pee kɔkɔ bɔmi nɔ́ ha matsɛmɛ ɔmɛ tsuo.

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Yesaya 33:10

Yawɛ ngɛ je ma amɛ dee ke, “Jehanɛ e su be nɛ ma tsu ní. Ma tsɔɔ nyɛ kaa ye he wa.

La 146:4

Ke nɔmlɔ gbo ɔ, e kpaleɔ kɛ yaa zu mi ekohu, jamɛ a ligbi ɔ nɔuu e yi mi tomi ɔmɛ tsuo a se poɔ.

La 115:16

Hiɔwe ɔ tsuo e nɔ́, se zugba a lɛɛ e ngɔ kɛ ha nimli adesahi.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

Manyadali 16:23

Ligbi ko ɔ, Filisti matsɛmɛ ɔmɛ ba bua a he nya, konɛ a nya nɛ a sã bɔ nguaa ko kɛ ha a mawu ɔ nɛ a tsɛɛ lɛ Dagon ɔ. A de ke, “Wa mawu ɔ ngɔ wa he nyɛlɔ Samson ngɔ wo wa dɛ mi.”

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 14:13

O to o yi mi kaa o maa kuɔ kɛ ya hiɔwe lokoo nɛ o kɛ o matsɛ sɛ ɔ ya ma Mawu dodoe ɔmɛ nɛ ya hiɔwe pe kulaa a a se tɔɔ. O susu kaa o maa hi si kaa matsɛ ngɛ jamɛ a yo ɔ nɔ, ngɛ omleyi je he nɛ a kpee ngɛ ɔ.

Yeremia 48:26

Bɔ nɛ Yawɛ de ji nɛ ɔ nɛ: “Nyɛ ha nɛ Moab nɛ pee kaa nɔ ko nɛ tɔ dã, ejakaa e te si kɛ si mi. Moab ma kokloo si ngɛ lɛ nitsɛ e vie mi, nɛ nihi maa muɔ lɛ.

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Daniel 11:12

Nɔ́ nɛ ɔ ma ha nɛ e ma wo e he nɔ, nɛ e maa gbe nimli babauu nitsɛ. Se kɛ̃ ɔ, e kunimi yemi ɔ se be kɛe.