Daniel 5:20 - BAIBLO ALOO NGMAMI KLƆUKLƆU Ɔ

²⁰ Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Daniel 5:20 ပူးပေါင်းရင်းမြစ်များ

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Matsɛmɛ II, 17:14

Se a bui tete; a kuɛ wa kaa a nɛmɛ ɔmɛ nɛ he we Yawɛ, a Mawu ɔ yi ɔ pɛpɛɛpɛ.

Mose II, 9:17

Akɛnɛ o ngɛ o he nɔ woe ngɛ ye ma a nɔ kɛ mwɔɔ, nɛ o ngmɛɛ we a he nɛ a ya he je ɔ,

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Abɛ Womi 16:5

Nɔ tsuaa nɔ nɛ woɔ e he nɔ ɔ, e he peeɔ Yawɛ tai. Bɔ tsuaa bɔ nɛ pee ɔ, ja a gbla e tue; e be e he yee.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Ezekiel 30:6

Nyɔmtsɛ Yawɛ ke, “Mahi nɛ piɛɔ Egipt he kɛ je Migdol ngɛ omleyi je kɛ ya su Aswan ngɛ leneyi je ɔ, a mi bi tsuo a hɛ mi ma kpata ngɛ ta a mi. Tabo ɔ nɛ Egipt kɛ fĩaa a hɛ mi ma kpata kulaa. Imi, Nyɔmtsɛ Yawɛ lɛ i de.

Yeremia 48:18

Nyɛ Moab bi, nyɛ je nyɛ hɛ mi nyami ɔ ngɔ fɔ si; nyɛ ba hi si ngɛ zia mi ngɛ zugba. Moab he nyɛli ɔmɛ ma ba tua nyɛ hulɔ, nɛ a ma kpata nyɛ mɔ ɔmɛ a hɛ mi.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Ezekiel 31:10

“Jehanɛ lɛɛ, jamɛ a tso ɔ nɛ bɔ kusuu, nɛ e nɔ kuɔ gojoo kɛ su bɔku mi tɔɔ ɔ, imi Nyɔmtsɛ Yawɛ nitsɛ ma tsɔɔ mo nɔ́ nɛ maa ba e nɔ. Akɛnɛ e nɔ kuɔ gojoo he je ɔ, e wo e he nɔ nɛ e fĩa;

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Mose II, 9:7

Nɛ benɛ Farao ɔ tsɔ nɛ a ya hyɛ ɔ, a na kaa Israel bi ɔmɛ a lohwe kake po gbo we. Se Farao ɔ kplii e tsui, nɛ e ha we nɛ Israel bi ɔmɛ nɛ a ya.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Daniel 4:26

Mawu bɔfo ɔ fa ke a si tso kpoku ɔ ngɛ zu ɔ mi. Nɔ́ nɛ ɔ tsɔɔ kaa ke o kplɛɛ kaa Mawu lɛ yeɔ je ɔ tsuo nɔ ɔ, o ma ba ye matsɛ ekohu.

Daniel 4:28

Ní nɛ ɔmɛ tsuo ba Matsɛ Nebukadnezar nɔ.