Daniel 5:2 - BAIBLO ALOO NGMAMI KLƆUKLƆU Ɔ

² Benɛ dã a tsɛ̃ Belshazar nya a, e fa ke a ya ngɔ sika tsu, kɛ sika hiɔ kplu ɔmɛ nɛ e tsɛ Nebukadnezar ya muɔ ngɛ Yawɛ we ɔ mi ngɛ Yerusalem ɔ kɛ ba. E tsɔ ke a ya ngɔ kplu ɔmɛ kɛ ba, konɛ e kɛ e ma nimeli ɔmɛ, e yi ɔmɛ, kɛ e plã amɛ nɛ a nu dã ngɛ a mi.

Daniel 5:2 ပူးပေါင်းရင်းမြစ်များ

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Matsɛmɛ II, 24:13

nɛ e muɔ junehi tsuo nɛ ngɛ Yawɛ we ɔ, kɛ matsɛ we ɔ kɛ ho Babilon ya. Nɛ kaa bɔ nɛ Yawɛ de to momo ɔ, sika tsu kãhi nɛ Israel matsɛ, Salomo pee nɛ a kɛ tsu ní ngɛ Yawɛ we ɔ, Nebukadnezar ywia mɛ dukuduku.

Matsɛmɛ II, 25:15

A muɔ nɔ́ tsuaa nɔ́ nɛ a kɛ sika tsu, loo sika hiɔ pee ɔ, ngɛyu ɔmɛ, kɛ kã wawi ɔmɛ.

Kronika II, 11:20

Pee se ɔ, Rehoboam ngɔ Maaka, Absalom biyo ɔ, nɛ e kɛ lɛ fɔ binyumuhi eywiɛ: Abiya, Atai, Ziza, kɛ Shelomit.

Kronika II, 15:16

Matsɛ Asa kpa e nyɛ Maaka tete po manyɛ yemi, ejakaa e pee amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ku amaga a ngɔ pue si. E wɛɛ lɛ mɔnyɔmɔnyɔ, nɛ e ya sã lɛ ngɛ Kidron kɔ̃ ɔ mi.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:18

Babilonia matsɛ ɔ ha ní ngɛ Yawɛ we ɔ; e muɔ june ngɛ nito he ɔ, kɛ Matsɛ Zedekia, kɛ e ganɔ ɔmɛ hu a june kɛ ho Babilon ya.

Ezra 5:14

Sika tsu, kɛ sika hiɔ níhi nɛ Nebukadnezer ba muɔ ngɛ Mawu we ɔ ngɛ Yerusalem kɛ ya wo lɛ, Nebukadnezer lɛɛ e mawu ɔ we ɔ ngɛ Babilon ɔ, matsɛ ɔ ngɔ ní nɛ ɔmɛ tsuo ngɔ ha Sheshbazar. Matsɛ Sirus wo nyumu nɛ ɔ amlaalo ngɛ Yuda.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 50:35

Yawɛ ke, “Ta ma ba tua Babilonia zugba a! Ta ma ba na Babilonia bi ɔmɛ, ma nimeli ɔmɛ, kɛ ní leli ɔmɛ.

Yeremia 52:19

A muɔ nɔ́ tsuaa nɔ́ nɛ a kɛ sika tsu, aloo sika hiɔ pee ɔ, kã wawi ɔmɛ, ngɛyu ɔmɛ, kã ngua amɛ, buɛ ɔmɛ, kane tso ɔmɛ, tsopa kɛ e he via kã amɛ, kɛ likɔkɔ ɔmɛ kɛ ho.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Daniel 5:13

A ya ngɔ Daniel kɛ ba matsɛ ɔ ngɔ amlɔ nɔuu, nɛ matsɛ ɔ bi lɛ ke, “Anɛ mo ji Daniel ɔ lo? Yuda bi ɔmɛ nɛ tsaatsɛ ya nuu kɛ je Yuda kɛ ba a, a ti nɔ kake ji mo lo?

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Daniel 5:3

Kɛkɛ nɛ a ya ngɔ sika tsu kplu ɔmɛ nɛ a ya muɔ ngɛ Mawu we ɔ ngɛ Yerusalem ɔ kɛ ba. Matsɛ ɔ, ma nimeli ɔmɛ, e yi ɔmɛ, kɛ e plã amɛ tsuo nu dã ngɛ a mi,

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.