Daniel 5:19 - BAIBLO ALOO NGMAMI KLƆUKLƆU Ɔ

¹⁹ Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 5:19 ပူးပေါင်းရင်းမြစ်များ

Matsɛmɛ II, 25:28

Evilmerodak kɛ Yehoyakin hi si saminya, nɛ e ha lɛ blɔ nya nɛ pe bɔ nɛ e pee matsɛmɛ kpa amɛ nɛ a ngɔ mɛ nyɔguɛ kɛ piɛ e he ngɛ Babilonia a.

Abɛ Womi 16:14

Ní lelɔ bɔɔ mɔde kaa e ma ha nɛ matsɛ nɛ na bua jɔmi daa; ke matsɛ mi mi fu ɔ, nɔ ko ma gbo.

Fiɛlɔ 8:3

Matsɛ ma nyɛ maa pee nɔ́ tsuaa nɔ́ nɛ e suɔ. Lɔ ɔ he ɔ, ke e mi mi fu ɔ, jee e hɛ mi esɔ!

Ezekiel 31:11

lɔ ɔ he ɔ, i kua lɛ. Ma ha nubwɔ ko nine maa su e nɔ. E kɛ lɛ maa ye sisiisi; e maa pee lɛ bɔ nɛ sa lɛ ngɛ yi wu tso níhi nɛ e pee ɔ a he.

Daniel 11:12

Nɔ́ nɛ ɔ ma ha nɛ e ma wo e he nɔ, nɛ e maa gbe nimli babauu nitsɛ. Se kɛ̃ ɔ, e kunimi yemi ɔ se be kɛe.

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Daniel 11:3

“Kɛkɛ ɔ, matsɛ katsɛ ko maa ba. E kɛ he wami nɛ nya wa maa ye tsɛ, nɛ nɔ́ nɛ e suɔ ɔ, lɔ ɔ e maa pee.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 3:4

ma fiɛlɔ ko de kɛ ngmlaa ke, “Nyɛ, je ma slɔɔtoslɔɔtohi, kɛ nyɛ nihi nɛ nyɛ tuɔ gbi slɔɔtoslɔɔtohi! Mlaa nɛ matsɛ ɔ wo ji nɛ ɔ nɛ.

Daniel 3:6

Nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.”

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Habakuk 2:5

Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.