Daniel 4:36 - BAIBLO ALOO NGMAMI KLƆUKLƆU Ɔ

³⁶ “Benɛ ye juɛmi ɔ kpale ba a, a ngɔ ye hɛ mi nyami ɔ, ye agboje ɔ, kɛ matsɛ yemi ɔ kɛ ha mi ekohu. Ye ga woli ɔmɛ, kɛ nikɔtɔma amɛ ba hla ye se blɔ, nɛ a ngɔ mi ngɔ hi matsɛ sɛ ɔ nɔ ekohu. Jehanɛ lɛɛ he wami nɛ a ha mi ɔ kle pe kekle nɔ́ ɔ po.

Daniel 4:36 ပူးပေါင်းရင်းမြစ်များ

Hiob 13:12

Abɛhi nɛ nyɛ ngɛ bue ɔ, a he be se nami ko; munyuhi nɛ nyɛɛ kɛ ngɛ Mawu he fae ɔ ngɛ kaa kɔɔhiɔ kɛkɛ.

Abɛ Womi 22:4

Nɔ nɛ baa e he si, nɛ e yeɔ Yawɛ gbeye ɔ, e naa ní, e hɛ mi baa nyami, nɛ e wami se kɛɔ.

Daniel 2:31

“Nɛnɛ, o nla nɛ o na amaga kpetekpleenyɛ ko nɛ daa si ngɛ o hɛ mi. Amaga nɛ ɔ ngɛ kpɛe nylamnylam, nɛ e he ngɛ gbeye kaa nɔ́ ko.

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.