Daniel 4:35 - BAIBLO ALOO NGMAMI KLƆUKLƆU Ɔ

³⁵ Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Daniel 4:35 ပူးပေါင်းရင်းမြစ်များ

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Hiob 42:2

Yawɛ, i le kaa he walɔ kpetekpleenyɛ ji mo; o nyɛɔ nɛ o peeɔ nɔ́ tsuaa nɔ́ nɛ o suɔ.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

La 135:6

Hiɔwe ɔ jio, zugba a nɔ jio, wo ɔ mi jio, muɔ voovoo ɔmɛ a mi jio, nɔ́ tsuaa nɔ́ nɛ́ Yawɛ suɔ ɔ, lɔ ɔ e peeɔ.

La 33:14

Yawɛ hyɛɛ nɔ tsuaa nɔ ngɛ zugba a nɔ kɛ jeɔ he nɛ e kojoɔ ngɛ ɔ.

La 39:5

Hyɛ kaa o pee ye wami be ɔ kpiti! Ye wami be ɔ tsuo pi nɔ́ ko kulaa ngɛ o hɛ mi. Niinɛ, adesa tsuo ngɛ kaa kɔɔhiɔ!

La 49:1

Je ɔ mi nihi tsuo, nyɛɛ bu mi tue. Nyɛ ta tue saminya ha mi!

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Fiɛlɔ 8:4

Ke matsɛ tu munyu ɔ, he wami ngɛ se. Mɛnɔ ma nyɛ ma de matsɛ ke, “Mɛni lɛ o pee nɛ ɔ?”

Yesaya 19:17

Be tsuaa be nɛ a maa wo Yuda ta a, sawale maa nu Egipt bi ɔmɛ ngɛ nɔ́ nɛ Yawɛ Tabohiatsɛ ɔ to nɛ maa ba Egipt nɔ ɔ he.

Yesaya 26:9

Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

Yesaya 43:13

Imi ji Mawu, nɛ i ngɛ daa. Nɔ ko nɔ ko be nyɛe ma je e he kɛ je ye dɛ mi. Ke i pee nɔ́ ko ɔ, mɛnɔ ma tsake?”

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Yona 1:14

Lɔ ɔ he ɔ, a kpa huhui nɛ a de Yawɛ ke, “Yawɛ lee, wa ngɛ mo pɛɛ kpae, ko ha wa hɛ mi nɛ kpata ngɛ nyumu nɛ ɔ wami he, nɛ ko ha waa gbe nɔ ko nɛ yi fɔ, ejakaa wɔɔ lɛɛ wa li he nɔ́ ko! Ejakaa mo Yawɛ lɛɛ nɔ́ nɛ sa o hɛ mi nɛ o peeɔ.”

Ni Tsumi 11:17

E fɔɔ si paa kaa nike ní ɔ nɛ wa ná benɛ wa he Nyɔmtsɛ Yesu Kristo ye ɔ, lɔ ɔ nɔuu nɛ Mawu ha jamɛ a ma je li ɔmɛ ɔ nɛ. Mɛnɔ ji mi mɔ nɛ ma de ke i ngɛ Mawu nya tsie!”

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Ni Tsumi 5:39

Se ke Mawu dɛ mi nɛ e je ɔ, nyɛ be Mawu nɔ nyɛe maa ye. Nyɛ ko ba pee nyɛ he kaa nihi nɛ a kɛ Mawu ngɛ ta hwue!” Kpe ngua a ngɔ Gamaliel ga womi ɔ.

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Yoshua 2:2

Yeriko matsɛ ɔ nu kaa Israel bi komɛ ba jamɛ a nyɔ ɔ mi nɛ́ a ba slaa zugba a,

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”