Daniel 4:31 - BAIBLO ALOO NGMAMI KLƆUKLƆU Ɔ

³¹ Matsɛ ɔ nya na we nɛ e nɔ si nɛ gbi ko tu munyu kɛ je hiɔwe ke, “Matsɛ Nebukadnezar, bɔ nɛ i ngɛ mo dee ji nɛ ɔ nɛ! A kpɔ matsɛ yemi ɔ ngɛ o dɛ.

Daniel 4:31 ပူးပေါင်းရင်းမြစ်များ

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Yohane 12:28

Tsaatsɛ, wo mo nitsɛ o hɛ mi nyami!” Kɛkɛ nɛ gbi ko je hiɔwe de ke, “I wo ye hɛ mi nyami momo, se ma kpale pee ekohu.”

Daniel 5:28

PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 4:24

“Nɛnɛ, nlami ɔ sisi ji nɛ ɔ nɛ; nɔ́ nɛ Mawu nɛ ngɛ hiɔwe lokoo ɔ to nɛ maa ba o nɔ ji nɛ ɔ nɛ.

Hiob 20:23

Mawu ma ha e mi mi la nɛ nya wa a ma kple e nɔ kaa niye ní nɛ e ye nɛ e tɔ.

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Daniel 4:26

Mawu bɔfo ɔ fa ke a si tso kpoku ɔ ngɛ zu ɔ mi. Nɔ́ nɛ ɔ tsɔɔ kaa ke o kplɛɛ kaa Mawu lɛ yeɔ je ɔ tsuo nɔ ɔ, o ma ba ye matsɛ ekohu.

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

La 145:13

O matsɛ yemi ɔ ngɛ daa, nɛ o nɔ yemi ɔ ngɛ kɛ yaa neneene. Yawɛ yeɔ e siwo nɔ pɛpɛɛpɛ, nɛ nɔ́ tsuaa nɔ́ nɛ e peeɔ ɔ hi saminya.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”