Daniel 4:30 - BAIBLO ALOO NGMAMI KLƆUKLƆU Ɔ

³⁰ e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Daniel 4:30 ပူးပေါင်းရင်းမြစ်များ

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Ester 1:4

E jé e matsɛ we ɔ mi afɛu níhi, kɛ hɛ mi nyami, kɛ agboje babauu kpo kɛ tsɔɔ ni ɔmɛ nyɔhiɔ ekpa sɔuu.

La 104:1

Ma je Yawɛ yi! Yawɛ ye Mawu, o kle! O hɛ mi nyami, kɛ o he wami kpetekpleenyɛ ɔ ngɛ kaa bo nɛ o kɛ ha o he.

La 49:20

Nɔmlɔ adesa gboɔ kaa bɔ nɛ lohwehi tsuo gboɔ ɔ, e we agboje ɔ kɛ lɛ hí si kɛ yɛ neneene.

La 73:8

A yeɔ nɔ he fɛu, nɛ a tuɔ nɔ he munyu yaya. A woɔ a he nɔ, nɛ a toɔ gahi nɛ a kɛ waa nihi yi mi.

Abɛ Womi 11:2

Hɛ mi si puemi nyɛɛɔ he nɔ womi se. Nɔ nɛ baa e he si ɔ, e le nɔ́.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Daniel 4:31

Matsɛ ɔ nya na we nɛ e nɔ si nɛ gbi ko tu munyu kɛ je hiɔwe ke, “Matsɛ Nebukadnezar, bɔ nɛ i ngɛ mo dee ji nɛ ɔ nɛ! A kpɔ matsɛ yemi ɔ ngɛ o dɛ.

Habakuk 1:11

Kɛkɛ ɔ, a woɔ fo kɛ jeɔ kaa kɔɔhiɔ; a peeɔ yayami nɛ a yeɔ fɔ; a he wami ji a mawu.”

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 14:9

Kɛkɛ ɔ, nɔ nɛ kpee nyɛ ni enyɔ ɔmɛ tsuo maa ba, nɛ e ma ba de mo ke, ‘Ha nɔ nɛ ɔ blɔ.’ Jehanɛ ɔ lɛɛ zo o kɛ ma ya hi nane si je ɔ.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.