Daniel 4:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Daniel 4:27 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

La 119:46

Matsɛmɛ a hɛ mi tete po ma fiɛ o mlaa a, nɛ e be mi zo pee.

Abɛ Womi 11:2

Hɛ mi si puemi nyɛɛɔ he nɔ womi se. Nɔ nɛ baa e he si ɔ, e le nɔ́.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yesaya 10:13

Asiria matsɛ ɔ ngɛ fĩae nɛ e ngɛ dee ke, “Imi nitsɛ lɛ i tsu ní nɛ ɔmɛ tsuo. Ye he wa, i le ní, nɛ i to ga saminya. I ye zugba a tsuo nɔ, nɛ i gbɛ ma amɛ a huzu ɔmɛ tsuo ngɛ je ma amɛ a kpɛti; nɛ níhi nɛ a bua nya ngɔ to ɔ, i ngɔ. I ngɔ ye he wami nɛ i kɛ ye ma a mi bi ɔmɛ a nɔ.

Yesaya 47:10

“Yayami nɛ o ngɛ pee ɔ peeɔ mo kaa o he mi jɔ mo. O susu kaa nɔ ko nɔ ko be mo nae. O ga, kɛ o nile ɔ ha o laa blɔ, nɛ o de o he ke, ‘Imi ji imi, nɛ ye se ɔ nɔ ko be hu.’

Yesaya 47:8

“Jehanɛ lɛɛ, bu tue; mo nɛ o suɔ je mi ngɔɔmi yemi, nɛ o hii si gbɔjɔɔ kaa nɔ nɛ he mi jɔ lɛ, mo nɛ o fĩaa ke o kle kaa Mawu, nɛ nɔ ko nɔ ko kɛ mo sɔɛ. O susuu hu kaa o be yalɔyo pee gblee, nɛ o bimɛ hu be gboe kɔkɔɔkɔ.

Yeremia 29:7

Ma a nɛ i ha nɛ a ngɔ nyɛ kɛ ya mi ɔ, nyɛ hla jamɛ a ma a nɔ yami. Nyɛɛ fa kue ha imi Yawɛ, konɛ ma na mɛ mɔbɔ; ejakaa ke a na a he ɔ, nyɛ hu e maa hi ha nyɛ.

Yeremia 38:20

I de lɛ ke, “Dɛbi, a be mo ngɔe kɛ wo a dɛ. I kpa mo pɛɛ nɛ o bu Yawɛ sɛ gbi nɛ i kɛ ha mo nɛ ɔ tue. Ke o pee ja a, e maa hi ha mo, nɛ o yi ma na wami.

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Ezekiel 29:9

Nɔ ko nɔ ko be Egipt zugba a nɔ hie hu; zugba a maa pee ma doku nɛ e maa fɔ si gu. Lɔ ɔ loko a maa le kaa imi ji Yawɛ. “Akɛnɛ o ke Nilo pa a o nɔ́, nɛ́ mo nitsɛ lɛ o pee he je ɔ,

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Amos 6:13

Nyɛ woɔ nyɛ he nɔ, ejakaa nyɛ ngɔ Lodebar ma a. Nyɛ fĩaa nɛ nyɛ deɔ ke, “Wɔ nitsɛmɛ wa he wami nya nɛ wa ngɔ Karnaim ɔ nɛ.”

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Habakuk 1:11

Kɛkɛ ɔ, a woɔ fo kɛ jeɔ kaa kɔɔhiɔ; a peeɔ yayami nɛ a yeɔ fɔ; a he wami ji a mawu.”

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Ni Tsumi 8:22

Pia o he mohu ngɛ nɔ́ yayami nɛ o susu ɔ he, nɛ o kpa Nyɔmtsɛ ɔ pɛɛ kaa alini a maa ngɔ yayami nɛ o susu ɔ ngɔ pa mo lo.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.

Mose V, 24:13

Daa gbɔkuɛ ɔ, kpale kɛ ha lɛ, konɛ e kɛ hwɔ si. Kɛkɛ ɔ, e maa na mo si, nɛ Yawɛ, o Mawu ɔ bua maa jɔ o he.

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

Mose V, 8:17

E pee ja, konɛ nyɛ ko susu kaa nyɛ nitsɛmɛ nyɛ he wami nya nɛ nyɛ na ní nɛ ɔmɛ tsuo.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.