Daniel 4:26 - BAIBLO ALOO NGMAMI KLƆUKLƆU Ɔ

²⁶ Mawu bɔfo ɔ fa ke a si tso kpoku ɔ ngɛ zu ɔ mi. Nɔ́ nɛ ɔ tsɔɔ kaa ke o kplɛɛ kaa Mawu lɛ yeɔ je ɔ tsuo nɔ ɔ, o ma ba ye matsɛ ekohu.

Daniel 4:26 ပူးပေါင်းရင်းမြစ်များ

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Daniel 2:37

Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Daniel 4:15

Se kɛ̃ ɔ, nyɛ si tso kpoku ɔ kɛ e sipoku ɔmɛ ngɛ zu ɔ mi. Nyɛɛ ngɔ kpa nɛ a kɛ dade kɛ akɔblee pee kɛ fi lɛ, nɛ nyɛ si lɛ ngɛ nga a nɔ ngɛ lejɛ ɔ. “ ‘Nyɛ ha bɔ́ nɛ nɛ kɛ pue nyumu nɛ ɔ nɔ; e kɛ pu mi lohwehi nɛ hi si, nɛ e kɛ mɛ nɛ ye ní.

Daniel 4:23

Benɛ mo nɛnɛ, o ngɛ nɔ́ nɛ ɔ hyɛe ɔ, bɔfo ko kple si kɛ je hiɔwe, nɛ e ba de ke, ‘Nyɛɛ hɛ tso ɔ kɛ fɔ si, nɛ nyɛ kpata e hɛ mi. Se kɛ̃ ɔ, nyɛ si tso kpoku ɔ ngɛ zu ɔ mi. Nyɛɛ ngɔ kpa nɛ a kɛ dade kɛ akɔblee pee kɛ fi lɛ, nɛ nyɛ si lɛ ngɛ nga a nɔ ngɛ lejɛ ɔ. Nyɛ ha bɔ́ nɛ nɛ kɛ pue nyumu nɛ ɔ nɔ, nɛ e kɛ pu mi lohwehi nɛ a hi si, nɛ e kɛ mɛ nɛ ye ní jeha kpaago.’

Daniel 4:31

Matsɛ ɔ nya na we nɛ e nɔ si nɛ gbi ko tu munyu kɛ je hiɔwe ke, “Matsɛ Nebukadnezar, bɔ nɛ i ngɛ mo dee ji nɛ ɔ nɛ! A kpɔ matsɛ yemi ɔ ngɛ o dɛ.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Mateo 21:20

Benɛ kaseli ɔmɛ na a, a nya kpɛ a he, nɛ a bi ke, “Kɛ ba lɛ kɛɛ loko ngmɔkɔ tso ɔ gbli amlɔ kikɛ nɛ ɔ?”

Mateo 5:34

Se imi lɛɛ i ngɛ nyɛ dee ke nyɛ ko ka kita kulaa! Nyɛ ko ka hiɔwe, ejakaa Mawu matsɛ sɛ ji lɔ ɔ nɛ;

Luka 15:18

Ma te si, nɛ ma ya tsaatsɛ ngɔ, nɛ ma ya de lɛ ke, Tsaatsɛ, i pee yayami kɛ si Mawu, nɛ mo hu i pee mo yayami,

Luka 15:21

E bi ɔ de lɛ ke, ‘Tsaatsɛ, i pee yayami kɛ si Mawu, nɛ mo hu i pee mo yayami, nɛ i sɛ kaa a tsɛɔ mi o bi hu.’