Daniel 4:23 - BAIBLO ALOO NGMAMI KLƆUKLƆU Ɔ

²³ Benɛ mo nɛnɛ, o ngɛ nɔ́ nɛ ɔ hyɛe ɔ, bɔfo ko kple si kɛ je hiɔwe, nɛ e ba de ke, ‘Nyɛɛ hɛ tso ɔ kɛ fɔ si, nɛ nyɛ kpata e hɛ mi. Se kɛ̃ ɔ, nyɛ si tso kpoku ɔ ngɛ zu ɔ mi. Nyɛɛ ngɔ kpa nɛ a kɛ dade kɛ akɔblee pee kɛ fi lɛ, nɛ nyɛ si lɛ ngɛ nga a nɔ ngɛ lejɛ ɔ. Nyɛ ha bɔ́ nɛ nɛ kɛ pue nyumu nɛ ɔ nɔ, nɛ e kɛ pu mi lohwehi nɛ a hi si, nɛ e kɛ mɛ nɛ ye ní jeha kpaago.’

Daniel 4:23 ပူးပေါင်းရင်းမြစ်များ

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:26

Mawu bɔfo ɔ fa ke a si tso kpoku ɔ ngɛ zu ɔ mi. Nɔ́ nɛ ɔ tsɔɔ kaa ke o kplɛɛ kaa Mawu lɛ yeɔ je ɔ tsuo nɔ ɔ, o ma ba ye matsɛ ekohu.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”