A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”
Natan de David ke, “Mo tutuutu ji jamɛ a nyumu ɔ nɛ! Bɔ nɛ Yawɛ, Israel Mawu ɔ de ji nɛ ɔ nɛ: ‘Imi nɛ i pɔ mo nu nɛ i wo mo Israel matsɛ, nɛ i je mo kɛ je Saul dɛ mi.
Yawɛ gbalɔ ko nɛ a tsɛɛ lɛ Oded ngɛ Samaria jamɛ a be ɔ mi. Benɛ Israel tabo ɔ kpale a se kɛ ma Samaria a, Oded ya kpee mɛ, nɛ e de mɛ ke, “Yawɛ, nyɛ nɛmɛ a Mawu ɔ mi mi fu Yuda, nɛ e ngɔ mɛ ngɔ wo nyɛ dɛ mi. Se nyɛ gbe mɛ basabasa nɛ mɔbɔ nami ko be mi; nɛ Yawɛ nu nɔ́ nɛ ɔ he.
“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.
nɛ o de mɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Kɔle agbo ko hi si. E ngɛ pɛli agbohi, kɛ tsɛli pinopino nɛ hɛɛ asasa su. Ligbi ko ɔ, kɔle ɔ te kɛ ba Lebanon yo ɔmɛ a nɔ, nɛ e ba ma seda tso ko yi mi. E kplɔ tso ɔ he kɔnihi nɛ e je ɔ yi mi mlɔmlɔɔmlɔ ɔ.
E ba amɛ ngɛ fɛu, nɛ e wo yiblii kplanyaa nitsɛ, bɔ nɛ nɔ tsuaa nɔ nɛ ngɛ je ɔ mi ɔ maa ye eko. Pu mi lohwehi buu si ngɛ e hɔ ɔ mi, nɛ lohwe pɛlitsɛmɛ pee tsu ngɛ tso kɔni ɔmɛ a mi.
“Benɛ ye juɛmi ɔ kpale ba a, a ngɔ ye hɛ mi nyami ɔ, ye agboje ɔ, kɛ matsɛ yemi ɔ kɛ ha mi ekohu. Ye ga woli ɔmɛ, kɛ nikɔtɔma amɛ ba hla ye se blɔ, nɛ a ngɔ mi ngɔ hi matsɛ sɛ ɔ nɔ ekohu. Jehanɛ lɛɛ he wami nɛ a ha mi ɔ kle pe kekle nɔ́ ɔ po.