Daniel 4:2 - BAIBLO ALOO NGMAMI KLƆUKLƆU Ɔ

² I suɔ kaa ma bɔ nyɛ amaniɛ ngɛ okadihi kɛ nyakpɛ níhi nɛ Mawu nɛ ngɛ hiɔwe lokoo ɔ pee kɛ tsɔɔ mi ɔ a he.

Daniel 4:2 ပူးပေါင်းရင်းမြစ်များ

Hiob 7:14

nyɛɛ lɛɛ nyɛɛ kɛ nlamihi, kɛ ninahi woɔ ye he gbeye.

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

La 66:16

Nyɛ nihi tsuo nɛ yee Mawu gbeye, nyɛɛ ba nɛ nyɛ ba bu tue, nɛ ma gba nyɛ nɔ́ nɛ e pee ha mi.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Daniel 2:1

Benɛ Nebukadnezar ngɛ matsɛ yee ɔ, jeha enyɔne ɔ mi ɔ, e nla nlami ko. Nlami nɛ ɔ wo e he gbeye wawɛɛ nitsɛ, nɛ nɔ́ nɛ ɔ ba pee dekla ha lɛ, nɛ e ha we nɛ matsɛ ɔ nɛ hwɔ mahe.

Daniel 3:26

Kɛkɛ nɛ Nebukadnezar hɛ lɛ kɛ ya flɔɔnɔɔ kɛ e mi la nɛ ngɛ tsoe gegeege ɔ sinya a nya, nɛ e de ke, “Shadrak, Meshak, kɛ Abednego, Mawu nɛ ngɛ hiɔwe lokoo ɔ tsɔli! Nyɛɛ je la a mi esɔ, nɛ nyɛɛ ba hiɛ ɔ!” Kɛkɛ nɛ Shadrak, Meshak kɛ Abednego je la a mi amlɔ kɛ ba.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 4:24

“Nɛnɛ, nlami ɔ sisi ji nɛ ɔ nɛ; nɔ́ nɛ Mawu nɛ ngɛ hiɔwe lokoo ɔ to nɛ maa ba o nɔ ji nɛ ɔ nɛ.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Yohane 4:48

Se Yesu de lɛ ke, “Blɔɔ ke nyɛ nɛ okadihi, kɛ nyakpɛ níhi ɔ, lɛɛ nyɛ be hee maa ye!”

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”