Daniel 4:19 - BAIBLO ALOO NGMAMI KLƆUKLƆU Ɔ

¹⁹ Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 4:19 ပူးပေါင်းရင်းမြစ်များ

Mose I, 31:35

Rahel de e tsɛ ɔ ke, “Tsaatsɛ, o mi mi ko fu mi kaa i ti si ha we mo; i je mi.” Laban hla wɔ ɔmɛ kɛ kpa bo tsu ɔ mi, se e nɛ.

Mose I, 32:18

de lɛ ke, ‘Lohwehi nɛ o tsɔlɔ Yakob tsɔ nɛ a kɛ ba ke mo, e nyɔmtsɛ Esau ji nɛ ɔmɛ nɛ. Yakob nitsɛ ngɛ se kɛ ma.’ ”

Mose I, 40:12

Yosef de lɛ ke, “Nlami ɔ sisi ji nɛ ɔ nɛ: tso kɔni etɛ ɔmɛ daa si ha ligbi etɛ.

Matsɛmɛ I, 18:7

Benɛ Obadia ngɛ e blɔ ɔ nɔ kɛ yaa a, e kɛ Eliya ya kpe tlukaa. Obadia le Eliya mi tso, nɛ e kpla si ngɛ e hɛ mi, nɛ e bi ke, “Anɛ mo tutuutu lo, ye nyɔmtsɛ Eliya?”

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Yeremia 29:7

Ma a nɛ i ha nɛ a ngɔ nyɛ kɛ ya mi ɔ, nyɛ hla jamɛ a ma a nɔ yami. Nyɛɛ fa kue ha imi Yawɛ, konɛ ma na mɛ mɔbɔ; ejakaa ke a na a he ɔ, nyɛ hu e maa hi ha nyɛ.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Daniel 1:7

Matsɛ we nɔ hyɛlɔ nɔkɔtɔma a ha nihewi ɔmɛ biɛ hehi. E wo Daniel ke Belteshazar; e wo Hanania ke Shadrak; e wo Mishael ke Meshak, nɛ Azaria lɛɛ e wo lɛ Abednego.

Daniel 2:26

Matsɛ ɔ bi Daniel, nɛ a wo lɛ biɛ kpa ke Belteshazar a ke, “Anɛ o ma nyɛ maa tsɔɔ mi nlami nɛ i nla a, kɛ nlami ɔ sisi lo?”

Daniel 2:37

Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Daniel 4:24

“Nɛnɛ, nlami ɔ sisi ji nɛ ɔ nɛ; nɔ́ nɛ Mawu nɛ ngɛ hiɔwe lokoo ɔ to nɛ maa ba o nɔ ji nɛ ɔ nɛ.

Daniel 5:12

Nyumu nɛ ɔ nɛ a tsɛɛ lɛ Daniel ɔ, a dloo lɛ nike níhi babauu nɛ a pɔɛ nami. E ngɛ juɛmi saminya. E le ní, nɛ e nyɛɔ nɛ e tsɔɔ nlamihi, munyuhi nɛ a he wa, kɛ laami munyuhi a sisi. Lɔ ɔ he ɔ, tsɔ nɛ a ya ngɔ Daniel, nɛ matsɛ ɔ wo lɛ Belteshazar a kɛ ba, konɛ e ba tsɔɔ mo nɔ́ nɛ a ngma nɛ ɔ sisi.”

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 7:15

Nina amɛ nɛ i na a wo ye he gbeye, nɛ i hao wawɛɛ nitsɛ.

Daniel 7:28

Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 8:27

Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Samuel I, 1:15

Se Hana he nɔ ke, “Dɛbi, ye nyɔmtsɛ, i nui wai, loo dã ko nɛ nya wa. Yo nɛ e haomi kle ji mi, nɛ i kɛ ye haomi ɔ ba pue Yawɛ hɛ mi kɛ kue fami.

Samuel I, 24:8

David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.

Samuel I, 26:15

David he nɔ ke, “Pi nyumu ji mo? Mɛnɔ kɛ mo sɔ ngɛ Israel? Mɛni he je mɔ nɛ o bui o nyɔmtsɛ matsɛ ɔ he? Nɔ ko ba ta a mi piɔ, nɛ jinɛ e ko kpata o nyɔmtsɛ matsɛ ɔ hɛ mi.

Samuel I, 3:17

Eli bi lɛ ke, “Mɛni Yawɛ de mo ɔ? De mi nɔ́ tsuaa nɔ́. Ke o laa mi ba a, Mawu maa gbla o tue!”