Daniel 4:18 - BAIBLO ALOO NGMAMI KLƆUKLƆU Ɔ

¹⁸ “Nlami nɛ imi Nebukadnezar, i nla ji nɛ ɔ nɛ. Belteshazar, moo tsɔɔ mi nlami ɔ sisi jehanɛ. Ye ga woli ɔmɛ a ti nɔ ko nɔ ko nyɛ we nɛ e tsɔɔ mi sisi. Se moo lɛɛ o ma nyɛ maa tsɔɔ mi sisi, ejakaa Mawu klɔuklɔu ɔ mumi ɔ ngɛ o mi.”

Daniel 4:18 ပူးပေါင်းရင်းမြစ်များ

Mose I, 40:12

Yosef de lɛ ke, “Nlami ɔ sisi ji nɛ ɔ nɛ: tso kɔni etɛ ɔmɛ daa si ha ligbi etɛ.

Mose I, 41:15

Farao ɔ de Yosef ke, “I nla nlami ko, se nɔ ko nyɛ we nɛ e tsɔɔ mi sisi. I nu kaa a ke moo lɛɛ o nyɛɔ tsɔɔ nlamihi a sisi.”

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Yesaya 19:3

Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Daniel 2:38

Mawu ngɔ nimli adesahi ngɛ je nɛ ɔ mi tsuo, pu mi lohwehi, kɛ we mi lohwehi ngɔ wo o dɛ nɛ o ye a nɔ. Mo ji jamɛ yi nɛ a kɛ sika tsu pee ɔ nɛ.

Daniel 2:7

A he nɔ ekohu nɛ a de ke, “Nɛnɛ, ke o ma nyɛ maa sɛɛ wɔ nlami ɔ, wɔ hu wa maa tsɔɔ mo sisi.”

Daniel 5:15

A ya ngɔ ní leli kɛ kunya yeli nɛ ɔmɛ kɛ ba hiɛ ɔ, konɛ a ba kane nɔ́ nɛ a ngma nɛ ɔ, nɛ a tsɔɔ mi sisi. Se a nyɛ we nɛ a pee.

Daniel 5:8

Matsɛ ga woli ɔmɛ tsuo ba, se a ti nɔ ko nyɛ we nɛ e kane nɔ́ nɛ a ngma a; nɔ ko hu nyɛ we nɛ e tsɔɔ sisi.

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!