Daniel 4:12 - BAIBLO ALOO NGMAMI KLƆUKLƆU Ɔ

¹² E ba amɛ ngɛ fɛu, nɛ e wo yiblii kplanyaa nitsɛ, bɔ nɛ nɔ tsuaa nɔ nɛ ngɛ je nɛ ɔ mi ɔ maa ye eko. Pu mi lohwehi buu si ngɛ e hɔ ɔ mi; lohwe pɛlitsɛmɛ pee tsu ngɛ tso kɔni ɔmɛ a mi, nɛ je nɛ ɔ mi nimlihi, kɛ lohwehi tsuo ba ye e yiblii ɔ.

Daniel 4:12 ပူးပေါင်းရင်းမြစ်များ

Luka 13:19

E ngɛ kaa kikɛ nɛ ɔ. Nyumu ko ngɔ sinapi wu ya du ngɛ e ngmɔ mi. E puɛ, nɛ e pee tso agbo, nɛ lohwe pɛlitsɛmɛ ba pee a tsu ngɛ e kɔni ɔmɛ a nɔ.”

Ezekiel 17:23

Israel yo gagaa pe kulaa a nɔ ma ma ngɛ. E ma gba kɔnihi, nɛ e maa wo yiblii; e maa pee seda tso agbo kɛ e he fɛu. Lohwe pɛlitsɛmɛ slɔɔtoslɔɔto tsuo ma ba hi e hɔ̃ ɔ mi.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Marko 13:32

“Se jamɛ a ligbi ɔ, loo ngmlɛfia a, nɔ ko li; hiɔwe bɔfo ɔmɛ li, Bi ɔ hu li, ja Tsɛ ɔ pɛ.

Mateo 13:32

Sinapi wu ji wuhi nɛ a duɔ ɔ a kpɛti nyafii pe kulaa. Se ke e wa a, e ba peeɔ tso nguaa pe tso ɔmɛ tsuo. Kɛkɛ ɔ, lohwe pɛlitsɛmɛ baa nɛ a ba peeɔ tsu ngɛ e kɔni ɔmɛ a mi.”

Marko 4:32

Be bɔɔ se ɔ, wu ɔ puɛɔ nɛ e ba kleɔ pe pu mi tso ɔmɛ tsuo. E tsɛ̃ɔ kɔni nguanguahi, nɛ lohwe pɛlitsɛmɛ peeɔ a tsu ngɛ kɔni ɔmɛ a nɔ.”

Ezekiel 31:17

A ma kpaka lɛ kɛ ho gbeje ya, konɛ e ya piɛ ni nɛmɛ nɛ nɔ momo ɔ a he. Nɛ mahi tsuo nɛ hi e hɔ̃ ɔ mi ɔ maa gbɛ fĩa je ɔ mi tsuo.

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Hiob 12:24

E haa je ma amɛ a hɛ mi nyɛɛli jeɔ kuasia, nɛ a ya woɔ lalaalo ngɛ nga nɔ he nɛ blɔ ko blɔ ko be.

Hiob 14:7

Ke a po tso ngɔ fɔ si ɔ, hɛ nɔ kami ngɛ kaa e ma tsɛ̃ ekohu; ejakaa e hɛngmɛ ɔmɛ lɛɛ a gbo we.

Hiob 14:9

ke tso ɔ na nyu ɔ, e ma tsɛ̃ ekohu, nɛ e ma gba kɔni kaa tso nɛ a du ehe.