Daniel 4:1 - BAIBLO ALOO NGMAMI KLƆUKLƆU Ɔ

¹ Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 4:1 ပူးပေါင်းရင်းမြစ်များ

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Ezra 4:17

Matsɛ ɔ ha mɛ womi ɔ heto ke, “Amlaalo Rehum, ma pɛdiyo Shimshai, kɛ nyɛ huɛmɛ nɛ ngɛ Samaria, kɛ nihi nɛ ngɛ kpokpa amɛ a nɔ ngɛ Yufrate pa a se, nyɛ he manye!

Ezra 5:7

“Matsɛ Darius, o yi nɔ nɛ jɔ!

Ester 3:12

Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Ester 8:9

Nyɔhiɔ nɛ a tsɛɛ Sivan, nɛ ji nyɔhiɔ etɛne ɔ we ligbi nɛ ji nyingmi enyɔ kɛ etɛ ɔ nɔ sane nɛ ɔ ba a nɛ. Mordekai tsɛ matsɛ womi ngmali ɔmɛ, nɛ e tsɔɔ mɛ nɔ́ nɛ a ngma; nɛ a ngma ja pɛpɛɛpɛ. A ngma womi ɔ kɛ ya ha Yuda bi ɔmɛ, amlaalo ɔmɛ, ma nɔ hyɛli ɔmɛ, kɛ ganɔ ɔmɛ tsuo nɛ ngɛ e nɔ yemi he lafa kɛ nyingmi enyɔ kɛ kpaago ɔmɛ, kɛ je India kɛ ya su Sudan ɔ. A ngma womi ɔmɛ ngɛ zugba tsuaa zugba e gbi, kɛ e ningma mi.

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 3:4

ma fiɛlɔ ko de kɛ ngmlaa ke, “Nyɛ, je ma slɔɔtoslɔɔtohi, kɛ nyɛ nihi nɛ nyɛ tuɔ gbi slɔɔtoslɔɔtohi! Mlaa nɛ matsɛ ɔ wo ji nɛ ɔ nɛ.

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Ni Tsumi 2:6

Benɛ a nu nɛ nɔ́ ɔ pɛ ɔ, nihi babauu ba bua a he nya. Mɛ tsuo a he mi po; ejakaa a ti nɔ tsuaa nɔ nu kaa a ngɛ lɛ nitsɛ e ma mi gbi tue.

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Efesobi 1:2

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.