Daniel 3:6 - BAIBLO ALOO NGMAMI KLƆUKLƆU Ɔ

⁶ Nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.”

Daniel 3:6 ပူးပေါင်းရင်းမြစ်များ

Mateo 13:50

A ma sake mɛ ngɔ fɔ flɔɔnɔɔ kɛ e mi la hɛuu ɔ mi; nɛ lejɛ ɔ, a maa wo yana, nɛ a ma kpe lungu nya.”

Mateo 13:42

A ma sake mɛ kɛ fɔ flɔɔnɔɔ kɛ e mi la hɛuu ɔ mi; nɛ lejɛ ɔ a maa wo yana, nɛ a ma kpe lungu nya.

Yeremia 29:22

Nihi nɛ a nuu kɛ je Yerusalem kɛ ho Babilonia ya a, ke a ngɛ hlae nɛ a gbiɛ nɔ ɔ, bɔ nɛ a ma de ji, ‘Yawɛ nɛ pee mo kaa Zedekia kɛ Ahab nɛ Babilonia matsɛ ɔ sã mɛ hɛ ngmengmle ngɛ la mi ɔ!’

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 3:11

O de hu ke nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 9:2

Dodoe ɔ bli muɔ voo ɔ nya, nɛ la su ku kpii je mi kaa flɔɔnɔɔ nguaa mi la su ku; la su ku nɛ je muɔ ɔ mi ɔ ha nɛ pu, kɛ kɔɔhiɔ pee yumuu.

Marko 6:27

Amlɔ ɔ, matsɛ ɔ tsɔ e plaafo, nɛ e fa lɛ ke e ya ngɔ Yohane yi kɛ ba. Kɛkɛ nɛ plaafo ɔ ho nɛ e ya po Yohane yi ngɛ tsu ɔ mi,

Mateo 4:9

nɛ e de Yesu ke, “Ke o kpla si nɛ o ja mi ɔ, ma ngɔ enɛ ɔmɛ tsuo kɛ ha mo.”

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Daniel 3:21

Kɛkɛ nɛ a fi mɛ kɛ a he sisi tade ɔmɛ, a hiɔwe tade ɔmɛ, a pɛɛ ɔmɛ, kɛ tade kpa amɛ tsuo, nɛ a sake mɛ ngɔ pue flɔɔnɔɔ kɛ e mi la nɛ ngɛ tsoe gegeege ɔ mi.

Daniel 2:5

Matsɛ ɔ he nɔ ke, “Bɔ nɛ i to ye yi mi, nɛ́ i be tsakee ji nɛ ɔ nɛ. Nlami nɛ i nla a, nyɛ lɛ nyɛ maa sɛɛ ha mi, nɛ nyɛ nɔuu nyɛ maa tsɔɔ sisi. Ke nyɛ nyɛ we nɛ nyɛɛ pee ja a, ma ha a ma tsɔtslɔɔ nyɛ mi kpɔ nya kpɔ nya, nɛ nyɛ we ɔmɛ maa pee we dokuhi.

Yesaya 44:17

Tso ɔ fa nɛ piɛ ɔ, e ngɔɔ kɛ peeɔ amaga, nɛ e kplaa si nɛ e jaa lɛ. E faa kue ha lɛ, nɛ e deɔ ke, “Mo ji ye mawu! He ye yi wami!”

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

Daniel 3:7

Lɔ ɔ he ɔ, benɛ titimati ɔmɛ, bɛ ɔmɛ, kɛ saku slɔɔtoslɔɔto ɔmɛ bɔni pɛmi, nɛ a pue miɛ slɔɔtoslɔɔto ɔmɛ a nya pɛ je ma amɛ kɛ nihi nɛ tuɔ gbi slɔɔtoslɔɔto ɔmɛ tsuo ya kpla si nɛ a ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.