Daniel 3:29 - BAIBLO ALOO NGMAMI KLƆUKLƆU Ɔ

²⁹ “Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 3:29 ပူးပေါင်းရင်းမြစ်များ

Matsɛmɛ II, 10:27

A ku Baal amaga a ngɔ pue si, nɛ a gbɛ piɛ ɔ; nɛ a ngɔ lejɛ ɔ kɛ pee agbotso kɛ ba si mwɔnɛ ɔ.

Ezra 6:11

I ngɛ fae hulɔ ke nɔ tsuaa nɔ nɛ ma tɔ̃ mlaa nɛ ɔ, a hia e tsu yi mi plai kake kɛ ma si nɛ a sɛu lɛ ngɛ nɔ; nɛ e we ɔ hu nɛ plɛ pee kuku.

La 3:8

Yawɛ, mo ji wa yi wami helɔ; moo gbaa o ma a koo!

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Daniel 1:19

Matsɛ ɔ kɛ mɛ tsuo sɛɛ ní. Se nihewi ɔmɛ tsuo a kpɛti ɔ, nihi pɛ nɛ Matsɛ Nebukadnezar ná a he bua jɔmi ji Daniel, Hanania, Mishael, kɛ Azaria. Enɛ ɔ he je ɔ, a ngɔ mɛ ngɔ piɛ matsɛ ní tsuli ɔmɛ a he.

Daniel 1:7

Matsɛ we nɔ hyɛlɔ nɔkɔtɔma a ha nihewi ɔmɛ biɛ hehi. E wo Daniel ke Belteshazar; e wo Hanania ke Shadrak; e wo Mishael ke Meshak, nɛ Azaria lɛɛ e wo lɛ Abednego.

Daniel 2:17

Lɔ ɔ se ɔ, Daniel ho we mi ya nɛ e ya bɔ e huɛmɛ ɔmɛ amaniɛ. Mɛ ji Hanania, Mishael kɛ Azaria.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Daniel 2:49

Jehanɛ, matsɛ ɔ ngɔ Shadrak, Meshak kɛ Abednego ngɔ to ma ní tsumihi a nya ngɛ Babilon kpokpa a nɔ kaa bɔ nɛ Daniel wo lɛ ga ke e pee ɔ. Se Daniel lɛɛ e tsuɔ ní ngɛ matsɛ we ɔ.

Daniel 2:5

Matsɛ ɔ he nɔ ke, “Bɔ nɛ i to ye yi mi, nɛ́ i be tsakee ji nɛ ɔ nɛ. Nlami nɛ i nla a, nyɛ lɛ nyɛ maa sɛɛ ha mi, nɛ nyɛ nɔuu nyɛ maa tsɔɔ sisi. Ke nyɛ nyɛ we nɛ nyɛɛ pee ja a, ma ha a ma tsɔtslɔɔ nyɛ mi kpɔ nya kpɔ nya, nɛ nyɛ we ɔmɛ maa pee we dokuhi.

Daniel 3:12

O ngɔ Yuda bi komɛ ngɔ to ma ní tsumihi a nya ngɛ Babilon kpokpa a nɔ. Mɛ ji Shadrak, Meshak, kɛ Abednego. Nɛnɛ, mlaa a nɛ o wo ɔ, nimli nɛ ɔmɛ yi nɔ; a ja we o mawu ɔmɛ, nɛ sika tsu amaga a nɛ o puɛ ma si ɔ hu, a kpla we si ha lɛ.”

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Daniel 6:28

Daniel plɔke, nɛ e ya nɔ saminya ngɛ Darius, kɛ Persia matsɛ, Sirus a yi nɔ.

Mose V, 32:31

He nyɛli ɔmɛ le kaa a mawu ɔmɛ be he wami ko kaa Israel Mawu ɔ.