Daniel 3:27 - BAIBLO ALOO NGMAMI KLƆUKLƆU Ɔ

²⁷ Matsɛ ɔ, amlaalo ɔmɛ, ganɔ ɔmɛ, wɛtsoyi ɔmɛ, kɛ ga woli ɔmɛ tsuo ba bua a he nya, konɛ a ba hyɛ ni etɛ nɛ ɔmɛ nɛ la a pee we mɛ nɔ́ ko ɔ. A na kaa a yi bwɔmi ngla we, a tade ɔmɛ sɛ̃ ngɛ a he, nɛ la su ku po ji fu ngɛ a he.

Daniel 3:27 ပူးပေါင်းရင်းမြစ်များ

Matsɛmɛ I, 13:28

nɛ e kuɔ teji ɔ kɛ ho. E ya na gbalɔ kaketsɛ ɔ gbogboe ɔ nɛ fɔɔ si ngɛ blɔ ɔ nɔ nɛ teji ɔ kɛ jata a daa si ngɛ he kɛ mwɔɔ. Jata a yi nɔ gbogboe ɔ, nɛ e tsɔtslɔɔ we teji ɔ mi hulɔ.

Matsɛmɛ II, 19:19

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Daniel 3:21

Kɛkɛ nɛ a fi mɛ kɛ a he sisi tade ɔmɛ, a hiɔwe tade ɔmɛ, a pɛɛ ɔmɛ, kɛ tade kpa amɛ tsuo, nɛ a sake mɛ ngɔ pue flɔɔnɔɔ kɛ e mi la nɛ ngɛ tsoe gegeege ɔ mi.

Daniel 6:23

Matsɛ ɔ bua jɔ e he wawɛɛ nitsɛ, nɛ e fa ke a je Daniel kɛ je muɔ ɔ mi. Tsɔli ɔmɛ pee ja. Benɛ a je lɛ kɛ je jata amɛ a muɔ ɔ mi ɔ, a nɛ kaa e he ko plaa; ejakaa e ngɔ e hɛ ngɔ fɔ e Mawu ɔ nɔ.

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Mateo 10:30

Se nyɛɛ lɛɛ nyɛ yi bwɔmi tete po a kane lɛ tsuo.

Ni Tsumi 26:26

Matsɛ Agripa, i ngɛ munyu tue kɛ kã kɛ ngɛ mo tsɔɔe, ejakaa o le sane nɛ ɔmɛ a mi. I he we yi kaa ní nɛ ɔmɛ eko ngɛ nɛ a kɛ laa mo; ejakaa a pee we ekoeko ngɛ kɔkɔɔmi.

Ni Tsumi 27:34

Lɔ ɔ he ɔ, i kpa nyɛ pɛɛ nɛ nyɛɛ ye ní, ejakaa lɔ ɔ lɛ ma ha nyɛ nɔmlɔ tso he wami. Nɔ́ ko nɔ́ ko be nyɛ ti nɔ ko pee.”

Hebribi 11:34

Hemi kɛ yemi a kɛ gbe la nɛ ngɛ tsoe gegeege ngɛ hehi, hemi kɛ yemi ha a je klaate nya, e ha ni wudɔwudɔhi ba pee katsɛmɛ; a kɛ ta buli nɛ je ma se hwu ta, nɛ a ye kunimi.