Daniel 3:26 - BAIBLO ALOO NGMAMI KLƆUKLƆU Ɔ

²⁶ Kɛkɛ nɛ Nebukadnezar hɛ lɛ kɛ ya flɔɔnɔɔ kɛ e mi la nɛ ngɛ tsoe gegeege ɔ sinya a nya, nɛ e de ke, “Shadrak, Meshak, kɛ Abednego, Mawu nɛ ngɛ hiɔwe lokoo ɔ tsɔli! Nyɛɛ je la a mi esɔ, nɛ nyɛɛ ba hiɛ ɔ!” Kɛkɛ nɛ Shadrak, Meshak kɛ Abednego je la a mi amlɔ kɛ ba.

Daniel 3:26 ပူးပေါင်းရင်းမြစ်များ

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 4:2

I suɔ kaa ma bɔ nyɛ amaniɛ ngɛ okadihi kɛ nyakpɛ níhi nɛ Mawu nɛ ngɛ hiɔwe lokoo ɔ pee kɛ tsɔɔ mi ɔ a he.

Kpojemi 19:5

Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Ni Tsumi 16:37

Se Paulo de ma he buli ɔmɛ ke, “Hyɛ, nɔ ko bui wɔ fɔ, se wɔ Roma bi ɔ, a fia wɔ kpa ngɛ ma hɛ mi. Lɔ ɔ se ɔ, a wo wɔ tsu, nɛ jehanɛ a ngɛ hlae nɛ a ngmɛɛ wa he nigii nɛ waa ho lo? Dɛbi! Mɛ nitsɛmɛ a ba nɛ a ba je wɔ.”

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Ezra 5:11

“Heto nɛ a ha wɔ ji, ‘Hiɔwe kɛ zugba Mawu ɔ tsɔli ji wɔ. We nɛ Israel matsɛ nguaa ko ma nɛ e gbe nya blema lokoo ɔ, lɔ ɔ wa ngɛ mae ekohu.

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

La 66:12

O ha wa he nyɛli ye wa nɔ; wa gu la mi, nɛ wa gu nyu mi hulɔ, se o je wɔ slɔkee kɛ ba he nɛ kplɔkɔtɔ ngɛ.

Daniel 6:21

Daniel he nɔ ke, “Nɛnɛ, o yi nɛ na wami kɛ ya neneene!