Daniel 3:25 - BAIBLO ALOO NGMAMI KLƆUKLƆU Ɔ

²⁵ Matsɛ ɔ bi ekohu ke, “Lɛɛ mɛni he je i ngɛ nihi eywiɛ hyɛe nɛ a ngɛ nyɛɛe ngɛ la a mi mɔ? Nimli nɛ i ngɛ hyɛe nɛ ɔ, a fi we mɛ, nɛ pohu la a sɛ̃ mɛ. Jehanɛ, nɔ nɛ piɛ a he nɛ a pee eywiɛ ɔ lɛɛ e ngɛ kaa mawu ko.”

Daniel 3:25 ပူးပေါင်းရင်းမြစ်များ

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Ni Tsumi 28:5

Se Paulo huanya sinɔ ɔ ngɔ wo la a mi, nɛ lohwe ɔ yi lɛ awi ko.

Marko 16:18

ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Hiob 1:6

Ligbi ko ɔ, Mawu bimɛ ɔmɛ ba bua a he nya ngɛ Yawɛ hɛ mi, nɛ Satan hu piɛ a he kɛ ba.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

1 Petro 3:13

Ke nyɛ hɛ dɔɔ ngɛ nɔ́ kpakpa peemi he ɔ, mɛnɔ maa pee nyɛ yayami?

Daniel 3:18

Se ke wa Mawu ɔ nyɛ we nɛ e he wa yi wami tete po, nɛnɛ, na nɛ o le kaa o mawu ɔmɛ lɛɛ wa be jae oo wa be jae! Sika tsu amaga a nɛ o puɛ ngɔ ma si ɔ hu, wa be si kplae ha lɛ!”

Hiob 38:7

Jamɛ a ligbi ɔ mɔtu ɔ, dodoe ɔmɛ tsuo la, nɛ Mawu bimɛ ɔmɛ tsuo hwɔ lele.

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Yeremia 15:21

Ma je mo kɛ je yiwutsotsɛmɛ, kɛ nimli yayamihi a dɛ mi. Imi, Yawɛ lɛ i de.”

Daniel 3:24

Nɔ́ ko pee Matsɛ Nebukadnezar nyakpɛ, nɛ e te da si amlɔ nɔuu. E bi e ga woli ɔmɛ ke, “Anɛ pi nihi etɛ nɛ wa fi, nɛ wa sake mɛ ngɔ pue la a mi lo?” A he nɔ ke, “Ee, nɛnɛ, ja wa pee ɔ nɛ.”

Daniel 6:23

Matsɛ ɔ bua jɔ e he wawɛɛ nitsɛ, nɛ e fa ke a je Daniel kɛ je muɔ ɔ mi. Tsɔli ɔmɛ pee ja. Benɛ a je lɛ kɛ je jata amɛ a muɔ ɔ mi ɔ, a nɛ kaa e he ko plaa; ejakaa e ngɔ e hɛ ngɔ fɔ e Mawu ɔ nɔ.

Hiob 5:19

E ma je mo kɛ je haomihi tsuo a mi, nɛ nɔ́ ko be o he sae.