Daniel 3:24 - BAIBLO ALOO NGMAMI KLƆUKLƆU Ɔ

²⁴ Nɔ́ ko pee Matsɛ Nebukadnezar nyakpɛ, nɛ e te da si amlɔ nɔuu. E bi e ga woli ɔmɛ ke, “Anɛ pi nihi etɛ nɛ wa fi, nɛ wa sake mɛ ngɔ pue la a mi lo?” A he nɔ ke, “Ee, nɛnɛ, ja wa pee ɔ nɛ.”

Daniel 3:24 ပူးပေါင်းရင်းမြစ်များ

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Ni Tsumi 26:27

Matsɛ Agripa, níhi nɛ gbali ɔmɛ ngma a, tse o heɔ yeɔ? I le kaa o heɔ yeɔ!”

Ni Tsumi 26:13

Nɛnɛ, piani katakata, benɛ i nyɛɛ blɔ kɛ yaa a, i na la ko nɛ kpɛ nylamnylam pe pu po kɛ je hiɔwe ba bɔle mi, kɛ nihi nɛ kɛ mi nyɛɛ ɔ.

Ni Tsumi 12:13

Petro si agbo ɔ, nɛ yiheyo ko nɛ a tsɛɛ lɛ Roda a tu fo kɛ ba.

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Samuel I, 17:55

Benɛ David yaa nɛ e kɛ Filisti no ɔ ya kpe ɔ, Saul bi e tatsɛ, Abner ke, “Abner, mɛnɔ bi ji kikɛmɛ a niheyo nɛ ɔ?” Abner he nɔ ke, “Nɛnɛ, i na o nane kaa i li.”

Kronika II, 22:4

Ahazia pee yayami, ejakaa e tsɛ gbenɔ se ɔ, Ahab weku li ji ni nɛmɛ nɛ woɔ lɛ ga; nɛ mɛ lɛ a kpata e nane.

Daniel 3:23

Shadrak, Meshak, kɛ Abednego, ni etɛ ɔmɛ ya nɔ flɔɔnɔɔ kɛ e mi la nɛ ngɛ tsoe gegeege ɔ mi kaa bɔ nɛ a fi mɛ ɔ.

Daniel 3:25

Matsɛ ɔ bi ekohu ke, “Lɛɛ mɛni he je i ngɛ nihi eywiɛ hyɛe nɛ a ngɛ nyɛɛe ngɛ la a mi mɔ? Nimli nɛ i ngɛ hyɛe nɛ ɔ, a fi we mɛ, nɛ pohu la a sɛ̃ mɛ. Jehanɛ, nɔ nɛ piɛ a he nɛ a pee eywiɛ ɔ lɛɛ e ngɛ kaa mawu ko.”