Daniel 3:19 - BAIBLO ALOO NGMAMI KLƆUKLƆU Ɔ

¹⁹ Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Daniel 3:19 ပူးပေါင်းရင်းမြစ်များ

Daniel 3:13

Matsɛ Nebukadnezar mi mi fu wawɛɛ nitsɛ, nɛ e fa ke a ya ngɔ Shadrak, Meshak, kɛ Abednego kɛ ba. Benɛ a ya ngɔ mɛ kɛ ba a,

Mose III, 26:24

lɛɛ imi Yawɛ hu i kɛ nyɛ maa to ní; imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Abɛ Womi 21:24

Nɔ nɛ woɔ e he nɔ, nɛ e tsɔɔ e he, nɛ e peeɔ pupuupu ɔ, e bui nɔ́.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Mose III, 26:21

“Ke nyɛ tsɔ ye hɛ mi atuã, nɛ nyɛ bui mi kɛ mwɔɔ ɔ, ma kpale gbla nyɛ tue totoe kpaago ekohu.

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Daniel 6:24

Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

Yesaya 51:23

O he nyɛli nɛ haoɔ mo, nihi nɛ ha o hwɔɔ si ngɛ zugba mi, nɛ a naa o nɔ kaa a naa gbɛjegbɛ nɔ ɔ, mɛ a dɛ mi ma ngɔ kplu ɔ kɛ wo.”

Abɛ Womi 16:14

Ní lelɔ bɔɔ mɔde kaa e ma ha nɛ matsɛ nɛ na bua jɔmi daa; ke matsɛ mi mi fu ɔ, nɔ ko ma gbo.

Ester 7:7

Matsɛ ɔ hɛ dɔ, nɛ e je kpo kɛ ho abɔɔ ɔ nɛ ngɛ matsɛ we ɔ mi ya. Haman na kaa matsɛ ɔ to e yi mi kaa e ma kpata e hɛ mi ngɛ nɔ́ nɛ ɔ he; lɔ ɔ he ɔ, lɛ Haman ɔ lɛɛ e mlɛ ngɛ se, konɛ e kpa Manyɛ Ester pɛɛ nɛ a ngɔ e wami kɛ ke lɛ.

Mose I, 31:2

Jehanɛ, Yakob yɔse kaa Laban tsɔ we e hɛ mi ha we lɛ hu kaa sa a.

Daniel 2:12

Nɔ́ nɛ ɔ wo matsɛ ɔ mi mi la wawɛɛ nitsɛ, nɛ e fa ke a gbe ní leli ɔmɛ tsuo ngɛ Babilon.

Daniel 3:20

E fa e ta buli ɔmɛ a kpɛti oblai komɛ ke a fi Shadrak, Meshak kɛ Abednego, nɛ a sake mɛ ngɔ pue flɔɔnɔɔ kɛ e mi la nɛ ngɛ tsoe gegeege ɔ mi.

Ester 3:5

Benɛ Haman kpá si kaa Mordekai bui lɛ, nɛ e kpla we si ha we lɛ ɔ, e hɛ dɔ;