Daniel 3:17 - BAIBLO ALOO NGMAMI KLƆUKLƆU Ɔ

¹⁷ Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 3:17 ပူးပေါင်းရင်းမြစ်များ

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Hiob 5:19

E ma je mo kɛ je haomihi tsuo a mi, nɛ nɔ́ ko be o he sae.

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

La 37:39

Yawɛ heɔ dali a yi wami; e buɔ a he ngɛ amanehlu be mi.

La 37:40

Yawɛ piɛɔ a he; e jeɔ mɛ kɛ jeɔ yayami peeli a dɛ mi, nɛ e heɔ a yi wami. Ejakaa a ba saa we ngɛ e ngɔ.

La 73:20

A ngɛ kaa nlami nɛ nɔ ko nla; mɔtu kɛkɛ e se po. Nyɔmtsɛ, ke o te si ɔ, a maa laa.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Yeremia 15:20

Ma ha nɛ o maa pee kaa akɔblee gbogbo nɛ he wa ngɛ a hɛ mi; a kɛ mo maa hwu ta, se a be mo nyɛe. I kɛ mo maa hi si; ma bu o he, nɛ ma he o yi wami.

Yeremia 15:21

Ma je mo kɛ je yiwutsotsɛmɛ, kɛ nimli yayamihi a dɛ mi. Imi, Yawɛ lɛ i de.”

Daniel 3:26

Kɛkɛ nɛ Nebukadnezar hɛ lɛ kɛ ya flɔɔnɔɔ kɛ e mi la nɛ ngɛ tsoe gegeege ɔ sinya a nya, nɛ e de ke, “Shadrak, Meshak, kɛ Abednego, Mawu nɛ ngɛ hiɔwe lokoo ɔ tsɔli! Nyɛɛ je la a mi esɔ, nɛ nyɛɛ ba hiɛ ɔ!” Kɛkɛ nɛ Shadrak, Meshak kɛ Abednego je la a mi amlɔ kɛ ba.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Daniel 6:23

Matsɛ ɔ bua jɔ e he wawɛɛ nitsɛ, nɛ e fa ke a je Daniel kɛ je muɔ ɔ mi. Tsɔli ɔmɛ pee ja. Benɛ a je lɛ kɛ je jata amɛ a muɔ ɔ mi ɔ, a nɛ kaa e he ko plaa; ejakaa e ngɔ e hɛ ngɔ fɔ e Mawu ɔ nɔ.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,