Daniel 3:14 - BAIBLO ALOO NGMAMI KLƆUKLƆU Ɔ

¹⁴ Nebukadnezar bi mɛ ke, “Shadrak, Meshak, kɛ Abednego, anɛ e ngɛ mi niinɛ kaa nyɛ kua ye mawu ɔmɛ jami lo? Anɛ e ngɛ mi niinɛ kaa sika tsu amaga a nɛ i puɛ ngɔ ma si ɔ, nyɛ kua si kplami ha lɛ lo?

Daniel 3:14 ပူးပေါင်းရင်းမြစ်များ

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Daniel 3:1

Be ko ɔ, Matsɛ Nebukadnezar ha nɛ a pee sika tsu amaga ko; amaga a hiɔwe yami ji gugue nyɔngma kɛ enuɔ, nɛ e blimi ji gugue kake kɛ fa. Nebukadnezar ha nɛ a kɛ amaga a ya ma Dura nga kplanaa a nɔ, ngɛ Babilon kpokpa a nɔ.

Yesaya 46:1

“Babilon mawu ɔmɛ a nyagbe ji nɛ ɔ nɛ. Be ko ɔ, a ja Bel kɛ Nebo. A hɛɛɔ mɛ kɛ hii si poe. Se jehanɛ lɛɛ a plɛ pee tlomi ngɛ tejihi nɛ pɔ tɔ mɛ a se mi.

Daniel 4:8

Pee se ɔ, Daniel hu ba (Daniel biɛ kpa ji Belteshazar; ye mawu ɔ biɛ a kɛ wo lɛ ɔ nɛ). Daniel nɛ ɔ, Mawu klɔuklɔu ɔ mumi ɔ ngɛ e mi. Lɔ ɔ he ɔ, i bɔ lɛ nlami ɔ nɛ i nla a. I de lɛ ke,