Daniel 3:13 - BAIBLO ALOO NGMAMI KLƆUKLƆU Ɔ

¹³ Matsɛ Nebukadnezar mi mi fu wawɛɛ nitsɛ, nɛ e fa ke a ya ngɔ Shadrak, Meshak, kɛ Abednego kɛ ba. Benɛ a ya ngɔ mɛ kɛ ba a,

Daniel 3:13 ပူးပေါင်းရင်းမြစ်များ

Daniel 3:19

Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Daniel 2:12

Nɔ́ nɛ ɔ wo matsɛ ɔ mi mi la wawɛɛ nitsɛ, nɛ e fa ke a gbe ní leli ɔmɛ tsuo ngɛ Babilon.

Ni Tsumi 24:24

Be saii se ɔ, Felike kɛ e yo Drusila ba. E yo ɔ, Yuda no ji lɛ. Felike ha a ya tsɛ Paulo kɛ ba. Benɛ Paulo ngɛ munyu tue ngɛ hemi kɛ yemi ngɛ Kristo Yesu mi he ɔ, e bu lɛ tue saminya.

Luka 21:12

Se loko ní nɛ ɔmɛ tsuo maa ba a, a maa nuu nyɛ, nɛ a maa wa nyɛ yi mi. A maa ngɔ nyɛ kɛ ha nɛ a kojo nyɛ ngɛ kpe he ɔmɛ, nɛ a maa wo nyɛ tsu. Ye he ɔ, a maa ngɔ nyɛ kɛ ba matsɛmɛ, kɛ ganɔhi a hɛ mi.

Luka 6:11

Se ni ɔmɛ lɛɛ a mi mi wo la wawɛɛ, nɛ a bɔni Yesu yi nɔ somi ngɛ a ní sɛɛmi mi ke, “Kɛ wa maa pee Yesu nɛ ɔ kɛɛ?”

Marko 13:9

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Abɛ Womi 29:22

Nɔ nɛ woɔ e mi mi la a, e woɔ pɛ. Nɔ nɛ naa abofu peeɔ tɔmi babauu.

Abɛ Womi 27:3

Tɛ jiɔ, nɛ zia hu jiɔ; se haomi nɛ kuasia we abofu kɛ baa a nya wa. Ke a ke a maa ngmɛ ɔ, tɛ kɛ zia a jiimi ɔ po pi nɔ́ ko kulaa nɛ a kɛ maa to he.

Abɛ Womi 17:12

Afani nɔ́ nɛ o kɛ osisiblisi nɛ a nuu e bimɛ maa kpe, pe nɔ́ nɛ o kɛ kuasia nɛ ngɛ biɛe maa kpe.

Mose I, 4:5

Se Kain lɛɛ Yawɛ na we e he bua jɔmi; e bɔ ɔ hu Yawɛ he we. Enɛ ɔ he je ɔ, Kain mi mi fu wawɛɛ nitsɛ, nɛ e hɛ dɔ.

Daniel 1:7

Matsɛ we nɔ hyɛlɔ nɔkɔtɔma a ha nihewi ɔmɛ biɛ hehi. E wo Daniel ke Belteshazar; e wo Hanania ke Shadrak; e wo Mishael ke Meshak, nɛ Azaria lɛɛ e wo lɛ Abednego.