Daniel 3:12 - BAIBLO ALOO NGMAMI KLƆUKLƆU Ɔ

¹² O ngɔ Yuda bi komɛ ngɔ to ma ní tsumihi a nya ngɛ Babilon kpokpa a nɔ. Mɛ ji Shadrak, Meshak, kɛ Abednego. Nɛnɛ, mlaa a nɛ o wo ɔ, nimli nɛ ɔmɛ yi nɔ; a ja we o mawu ɔmɛ, nɛ sika tsu amaga a nɛ o puɛ ma si ɔ hu, a kpla we si ha lɛ.”

Daniel 3:12 ပူးပေါင်းရင်းမြစ်များ

Ester 3:8

Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Daniel 1:7

Matsɛ we nɔ hyɛlɔ nɔkɔtɔma a ha nihewi ɔmɛ biɛ hehi. E wo Daniel ke Belteshazar; e wo Hanania ke Shadrak; e wo Mishael ke Meshak, nɛ Azaria lɛɛ e wo lɛ Abednego.

Daniel 2:48

Kɛkɛ nɛ matsɛ ɔ ha Daniel blɔ nya agbo, nɛ e ke lɛ ní kpakpahi babauu. E wo lɛ Babilon kpokpa a nɔ nɔ yelɔ, kɛ matsɛ ga woli ɔmɛ tsuo a nɔkɔtɔma.

Daniel 2:49

Jehanɛ, matsɛ ɔ ngɔ Shadrak, Meshak kɛ Abednego ngɔ to ma ní tsumihi a nya ngɛ Babilon kpokpa a nɔ kaa bɔ nɛ Daniel wo lɛ ga ke e pee ɔ. Se Daniel lɛɛ e tsuɔ ní ngɛ matsɛ we ɔ.

Daniel 3:11

O de hu ke nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.

Daniel 3:16

Shadrak, Meshak, kɛ Abednego he nɔ nɛ a de matsɛ ɔ ke, “Nɛnɛ Nebukadnezar, e hia we kaa wa ha mo kikɛmɛ a sane nɛ o bi nɛ ɔ heto, nɛ waa ka kaa wa ma fa wa he.

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 3:30

Kɛkɛ nɛ Matsɛ Nebukadnezar wó Shadrak, Meshak, kɛ Abednegomɛ a nɔ, nɛ e ha mɛ blɔ nya nguahi ngɛ Babilon kpokpa a nɔ.

Daniel 6:13

Kɛkɛ nɛ a de matsɛ ɔ ke, “Nyɔguɛ ɔmɛ nɛ a nuu kɛ je Yuda kɛ ba a, a ti nɔ kake nɛ a tsɛɛ Daniel ɔ, lɛɛ e bui mo nɛnɛ; mlaa a nɛ o wo ɔ hu e yi nɔ fɛɛ. E faa kue kɛ haa e Mawu ɔ si etɛ daa ligbi.”

Daniel 6:14

Benɛ Matsɛ Darius nu munyu nɛ ɔ, e hao wawɛɛ nitsɛ, nɛ e hla kaa e maa gu blɔ ko nɔ nɛ e kɛ he Daniel yi wami. Darius susu nɔ́ nɛ ɔ he hluu kɛ ya si pu ba nɔ si.

Ni Tsumi 17:7

nɛ Yason he mɛ ngɔ to we. A ngɛ Kaisare ɔ mlaa amɛ tsuo a nɔ tɔe; nɛ a ngɛ dee ke matsɛ kpa ko ngɛ nɛ a tsɛɛ lɛ Yesu.”

Ni Tsumi 5:28

E bi mɛ ke, “Tse wa fia nyɛ tue mi veveeve ke nyɛ ko ngɔ Yesu biɛ kɛ tsɔɔ ní hu? Se nyɛɛ hyɛ nɔ́ nɛ nyɛ pee! Nyɛ ha nɛ nihi tsuo nɛ ngɛ Yerusalem ɔ nu nyumu nɛ ɔ he sane nɛ nyɛ ngɛ hlae nɛ nyɛɛ tsɔɔ kaa wɔ nɛ wa gbe lɛ!”