Daniel 2:9 - BAIBLO ALOO NGMAMI KLƆUKLƆU Ɔ

⁹ kaa ke nyɛ nyɛ we nɛ nyɛɛ tsɔɔ mi nlami ɔ, tue gblami kake ma ha nyɛ tsuo. Nyɛ so kaa nyɛ maa ye mi lakpa hluu kaa alini níhi ma tsake. Lɔ ɔ he ɔ, nyɛɛ sɛɛ mi nlami ɔ. Ke nyɛ pee ja a, kɛkɛ imi hu ma le kaa nyɛ ma nyɛ maa tsɔɔ mi sisi.”

Daniel 2:9 ပူးပေါင်းရင်းမြစ်များ

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Ester 4:11

“Ke nɔ ko, nyumu jio, yo jio ba na matsɛ ɔ ngɛ kue ɔ nɛ ngɛ we ɔ kpɛti ɔ mi, nɛ pi kaa a tsɛ lɛ ke e ba a, jamɛ a nɔ ɔ, a maa gbe lɛ. Bɔ nɛ mlaa a ngɛ ji nɛ ɔ nɛ. Nɔ tsuaa nɔ, kɛ je matsɛ ɔ ga woli ɔmɛ a nɔ kɛ ya si ni ɔmɛ nɛ a ngɛ nɔ yemi he ɔmɛ tsuo le nɔ́ nɛ ɔ. Ja matsɛ ɔ wo e matsɛ tso nɛ a kɛ sika tsu pee ɔ nɔ kɛ tsɔɔ nɔ ɔ, loko nɔ ɔ yi ma na wami. Kɛ je be nɛ i ya matsɛ ɔ ngɔ ba nɛ ɔ, nyɔhiɔ kake ji nɛ ɔ, nɛ e na we nɛ e tsɛ mi lolo.”

Abɛ Womi 12:19

Lakpa hii si be bɔɔ kɛkɛ, se anɔkuale lɛɛ e ngɛ daa.

Yesaya 41:23

Nyɛɛ gba níhi nɛ maa ba hwɔɔ se, kɛkɛ wa maa na kaa mawuhi ji nyɛ niinɛ! Nyɛɛ pee nɔ́ ko nɛ hi saminya, aloo nyɛ ha nɛ haomi ko nɛ ba; nyɛɛ pee nɔ́ ko nɛ maa wo wa he gbeye, loo nɔ́ ko nɛ maa pee wɔ nyakpɛ nɛ waa hyɛ!

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Ezekiel 13:17

Yawɛ ke, “Jehanɛ, nɔmlɔ adesa, gbaa kɛ si o ma a mi yi ɔmɛ nɛ toɔ a yi mi kɛ deɔ nɔ́ nɛ mɛ nitsɛmɛ a suɔ ke a ngɛ gbae ɔ.

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Ezekiel 13:6

Yakayaka ninahi a naa, nɛ lakpa sɔuu a yeɔ. A deɔ ke Yawɛ sɛ gbi a hɛɛ ɔ nɛ, pohu i tsɔ we mɛ. Se kɛ̃ ɔ, a hyɛɛ blɔ kaa níhi nɛ a de ɔ maa ba mi.

Daniel 2:16

Amlɔ nɔuu ɔ, Daniel ho ya kpa matsɛ ɔ pɛɛ nɛ e de lɛ ke e ha lɛ be bɔɔ, konɛ e ba tsɔɔ lɛ nlami nɛ e nla a sisi.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Daniel 2:8

Kɛkɛ nɛ matsɛ ɔ de ke, “I na nyɛ juɛmi ɔ momo! Nyɛ ngɛ nɔ́ nɛ ɔ mi gblae nɛ nyɛ kɛ puɛ be, ejakaa nyɛ na kaa i muɔ ye yi mi kpɔ,

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 5:28

PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Daniel 5:31

nɛ Media no ɔ nɛ a tsɛɛ Darius ɔ ba ngɔ matsɛ yemi ɔ pani nya. Darius ye jeha nyingmi ekpa kɛ enyɔ jamɛ a be ɔ mi.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.