Daniel 2:48 - BAIBLO ALOO NGMAMI KLƆUKLƆU Ɔ

⁴⁸ Kɛkɛ nɛ matsɛ ɔ ha Daniel blɔ nya agbo, nɛ e ke lɛ ní kpakpahi babauu. E wo lɛ Babilon kpokpa a nɔ nɔ yelɔ, kɛ matsɛ ga woli ɔmɛ tsuo a nɔkɔtɔma.

Daniel 2:48 ပူးပေါင်းရင်းမြစ်များ

Samuel II, 19:32

Barzilai ye jeha nyingmi kpaanyɔ, nɛ e bwɔ kotokoto; nɛ niatsɛ ji lɛ. Benɛ matsɛ ɔ ngɛ Mahanaim ɔ tsuo, lɛ nɛ e hyɛ e nɔ ngɛ niye ní blɔ fa mi.

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Hiob 1:3

kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Yeremia 5:5

Ma ya nimli ngua amɛ a ngɔ, nɛ i kɛ mɛ ma ya tu munyu. Niinɛ, mɛɛ lɛɛ a le nɔ́ nɛ Yawɛ, a Mawu ɔ ngɛ hlae nɛ a pee.” Se ni nɛ ɔmɛ hu ngɛ kaa nimli gu ɔmɛ kɛ̃; mɛ hu a tsɔ Yawɛ hɛ mi atuã, nɛ a bui lɛ fɛɛ.

Daniel 2:6

Se ke nyɛ sɛɛ nlami ɔ, nɛ nyɛ tsɔɔ sisi ɔ, ma ke nyɛ níhi babauu, nɛ ma wo nyɛ hɛ mi nyami. Lɔ ɔ he ɔ, nyɛɛ sɛɛ nlami ɔ, nɛ nyɛɛ tsɔɔ mi sisi.”

Daniel 3:1

Be ko ɔ, Matsɛ Nebukadnezar ha nɛ a pee sika tsu amaga ko; amaga a hiɔwe yami ji gugue nyɔngma kɛ enuɔ, nɛ e blimi ji gugue kake kɛ fa. Nebukadnezar ha nɛ a kɛ amaga a ya ma Dura nga kplanaa a nɔ, ngɛ Babilon kpokpa a nɔ.

Daniel 3:12

O ngɔ Yuda bi komɛ ngɔ to ma ní tsumihi a nya ngɛ Babilon kpokpa a nɔ. Mɛ ji Shadrak, Meshak, kɛ Abednego. Nɛnɛ, mlaa a nɛ o wo ɔ, nimli nɛ ɔmɛ yi nɔ; a ja we o mawu ɔmɛ, nɛ sika tsu amaga a nɛ o puɛ ma si ɔ hu, a kpla we si ha lɛ.”

Daniel 3:30

Kɛkɛ nɛ Matsɛ Nebukadnezar wó Shadrak, Meshak, kɛ Abednegomɛ a nɔ, nɛ e ha mɛ blɔ nya nguahi ngɛ Babilon kpokpa a nɔ.

Daniel 4:6

I fa ke a ya kpee matsɛ ga woli ɔmɛ tsuo nɛ ngɛ Babilon ɔ kɛ ba, konɛ a ba tsɔɔ mi nlami ɔ sisi.

Daniel 4:9

‘Belteshazar, mo klaali a nɔkɔtɔma, i le kaa Mawu klɔuklɔu ɔ mumi ɔ ngɛ o mi, nɛ laami sane ko be nɛ o li. Nlami nɛ i nla ji nɛ ɔ nɛ. Moo tsɔɔ mi sisi.’

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Daniel 5:16

I nu kaa moo lɛɛ o nyɛɔ nɛ o tsɔɔ laami sanehi, kɛ munyuhi nɛ a he wa a sisi. Ke o nyɛ nɛ o kane nɔ́ nɛ a ngma nɛ ɔ, nɛ o nyɛ tsɔɔ mi sisi ɔ, a maa wo mo matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo o kuɛ, nɛ a maa pee mo matsɛ se yelɔ ɔ setsɔ.”

Daniel 5:29

Kɛkɛ nɛ Belshazar fa e tsɔli ɔmɛ ke a wo Daniel matsɛ tade klɔii nɛ hɛɛ alamua tu su nɛ he jua wa saminya, nɛ a kɛ sika tsu kuɛ ní nɛ wo e kuɛ. Matsɛ ɔ pee Daniel matsɛ se yelɔ ɔ setsɔ.

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Daniel 8:27

Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Mose IV, 24:11

Lɔ ɔ he ɔ, moo je hiɛ ɔ nɛ o ho esɔesɔ! I wo mo si kaa ma wo o hɛ mi nyami, se Yawɛ tsi o hɛ mi nyami womi ɔ nya.”

Samuel I, 17:25

Israel bi ɔmɛ de a he ke, “Tse nyɛ na nyumu nɛ ɔ? Hyɛ, Israel ahlua nɛ e ma bɔmi nɛ ɔ nɛ. Matsɛ Saul wo si kaa nɔ nɛ ma nyɛ maa gbe lɛ ɔ, e maa wo lɛ ní babauu. Jehanɛ hu e kɛ e biyo ma ha lɛ, nɛ e tsɛ weku li maa ye a he kɛ je ma tó tsumi kɛ sɔmɔmi mi.”

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

Samuel I, 25:2

Nyumu ko hi si nɛ je Kaleb weku ɔ mi. E biɛ ji Nabal, nɛ e je Maon, se e ngɛ zugba ngɛ Karmel. Nyumu nɛ ɔ, niatsɛ nguaa ji lɛ; e ngɛ jijɔ akpe etɛ, kɛ apletsi hu akpe. E yo, Abigail ɔ he ngɛ fɛu saminya, nɛ e ngɛ juɛmi hulɔ. Se lɛ nyumu ɔ nitsɛ lɛɛ amimitsɛ kɛ nɔmlɔ nɛ be subai ji lɛ.