Daniel 2:46 - BAIBLO ALOO NGMAMI KLƆUKLƆU Ɔ

⁴⁶ Kɛkɛ nɛ Matsɛ Nebukadnezar kpla si ngɛ Daniel hɛ mi, nɛ e kɛ e hɛ mi bu si, nɛ e fa ke a sã bɔ kɛ tsopa kɛ e he via kɛ ha Daniel.

Daniel 2:46 ပူးပေါင်းရင်းမြစ်များ

Ezra 6:10

Nyɛɛ pee jã, konɛ a nyɛ nɛ a sã bɔhi nɛ maa sa Mawu nɛ ngɛ hiɔwe ɔ hɛ mi, nɛ a kpa pɛɛ ha imi nitsɛ, kɛ ye bimɛ ɔmɛ nɛ wa yi nɛ na wami.

Daniel 3:5

Be tsuaa be nɛ nyɛ maa nu nɛ titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi ngɛ pɛe ɔ, nyɛ kpla si nɛ nyɛ ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 3:7

Lɔ ɔ he ɔ, benɛ titimati ɔmɛ, bɛ ɔmɛ, kɛ saku slɔɔtoslɔɔto ɔmɛ bɔni pɛmi, nɛ a pue miɛ slɔɔtoslɔɔto ɔmɛ a nya pɛ je ma amɛ kɛ nihi nɛ tuɔ gbi slɔɔtoslɔɔto ɔmɛ tsuo ya kpla si nɛ a ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Luka 17:16

E kɛ e hɛ mi ba bu si ngɛ Yesu nane nya, nɛ e na lɛ si. Se nyumu ɔ, Samaria no ji lɛ.

Ni Tsumi 10:25

Benɛ Petro ngɛ we ɔ mi sɛe ɔ, Kornelio kɛ lɛ ba kpe, nɛ e ba kpla si ngɛ Petro nane nya.

Ni Tsumi 14:13

Zeus osɔfo ɔ nɛ e jami he ngɛ a ma a we agbo ɔ nya a, ngɔ nakuhi, kɛ nyinyla kɛ ba agbo ɔ nya nɛ e kɛ maa sã bɔ ha bɔfo ɔmɛ.

Ni Tsumi 28:6

Ni ɔmɛ ngɛ blɔ hyɛe kaa Paulo maa fuu, loo e ma tsɔ fia si nɛ e gbo tlukaa. Se benɛ a hyɛ blɔ hluu nɛ a nɛ́ kaa nɔ́ ko pee lɛ ɔ, a tsake a juɛmi, nɛ a de ke, “Mawu ko ji lɛ!”

Kpojemi 11:16

Kɛkɛ nɛ nikɔtɔma nyingmi enyɔ kɛ eywiɛ ɔmɛ nɛ hii si ngɛ a matsɛ sɛ ɔmɛ a nɔ ngɛ Mawu hɛ mi ɔ ngɔ a hɛ mi ngɔ bu si; nɛ a ja Mawu,

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 22:8

Imi Yohane lɛ i nu ní nɛ ɔmɛ tsuo, nɛ i na hulɔ. Benɛ i nu, nɛ i na a, i bu si ngɛ bɔfo ɔ nɛ tsɔɔ mi ní nɛ ɔmɛ ɔ nane nya, konɛ ma ja lɛ.