Daniel 2:4 - BAIBLO ALOO NGMAMI KLƆUKLƆU Ɔ

⁴ Nyɔhiɔ mi hyɛli ɔmɛ kɛ matsɛ ɔ tu munyu ngɛ Aram gbi mi ke, “Nɛnɛ, o yi nɛ na wami kɛ ya neneene! Wa kpa mo pɛɛ, moo sɛɛ o nlami ɔ ha wɔ, konɛ waa tsɔɔ mo sisi.”

Daniel 2:4 ပူးပေါင်းရင်းမြစ်များ

Mose I, 31:47

Laban wo lejɛ ɔ biɛ ke Yegar Sahaduta; se Yakob lɛɛ e wo lɛ ke Galeed.

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ I, 1:31

Batsheba kpla si ngɛ matsɛ ɔ hɛ mi, nɛ e de ke, “Ye nyɔmtsɛ matsɛ yi nɛ na wami kɛ ya neneene!”

Matsɛmɛ II, 18:26

Kɛkɛ nɛ Eliakim, Hilkia binyumu ɔ, kɛ Shebna, kɛ Yoa de Asiria matsɛ ɔ we asafoatsɛ ɔ ke, “Wa kpa mo pɛɛ nɛ o kɛ wɔ o tsɔli ɔmɛ nɛ tu Aram gbi, ejakaa wa nuɔ. O kɛ wɔ ko tu Hebri gbi, ejakaa ma a nɛ ngɛ gbogbo ɔ yi mi ɔ ngɛ wɔ tue bue.”

Ezra 4:7

Benɛ Persia matsɛ, Artaherhes ngɛ tsɛ yee ɔ hu Bishlam, Mitredat, kɛ Tabeel kɛ a huɛmɛ ɔmɛ nɛ piɛ ɔ, ngma womi kɛ ya ha matsɛ ɔ. A ngma ngɛ Aram gbi mi, nɛ a tsɔɔ sisi ha matsɛ ɔ.

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Yesaya 36:11

Kɛkɛ nɛ Eliakim, Shebna, kɛ Yoa de asafoatsɛ ɔ ke, “Wa kpa mo pɛɛ, kɛ wɔ nɛ tu Aram gbi. Wa nuɔ Aram gbi ɔ. Koo tu Hebri gbi; nihi tsuo nɛ ngɛ gbogbo ɔ nɔ ɔ ngɛ wɔ tue bue.”

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Daniel 1:4

nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Daniel 2:7

A he nɔ ekohu nɛ a de ke, “Nɛnɛ, ke o ma nyɛ maa sɛɛ wɔ nlami ɔ, wɔ hu wa maa tsɔɔ mo sisi.”

Daniel 3:9

A de Matsɛ Nebukadnezar ke, “Nɛnɛ, o yi nɛ na wa kɛ ya neneene!

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Daniel 4:9

‘Belteshazar, mo klaali a nɔkɔtɔma, i le kaa Mawu klɔuklɔu ɔ mumi ɔ ngɛ o mi, nɛ laami sane ko be nɛ o li. Nlami nɛ i nla ji nɛ ɔ nɛ. Moo tsɔɔ mi sisi.’

Daniel 5:10

Benɛ manyɛ ɔ nu matsɛ ɔ, kɛ ma nimeli ɔmɛ la he ɔ, e ba asa a nɔ he nɛ a ngɛ ní ɔ yee ngɛ ɔ. E de ke, “Nɛnɛ, o yi nɛ na wami kɛ ya neneene! I kpa mo pɛɛ, koo hao, nɛ o tsui ko po.

Daniel 5:8

Matsɛ ga woli ɔmɛ tsuo ba, se a ti nɔ ko nyɛ we nɛ e kane nɔ́ nɛ a ngma a; nɔ ko hu nyɛ we nɛ e tsɔɔ sisi.

Daniel 6:21

Daniel he nɔ ke, “Nɛnɛ, o yi nɛ na wami kɛ ya neneene!

Daniel 6:6

Lɔ ɔ he ɔ, amlaalo ɔmɛ, kɛ nikɔtɔma enyɔ ɔmɛ ba matsɛ ɔ ngɔ, nɛ a ba de lɛ ke, “Nɛnɛ Darius, o yi nɛ na wami kɛ ya neneene!

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”