Daniel 2:37 - BAIBLO ALOO NGMAMI KLƆUKLƆU Ɔ

³⁷ Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Daniel 2:37 ပူးပေါင်းရင်းမြစ်များ

Matsɛmɛ I, 4:24

Salomo ye tsɛ ngɛ zugba a nɛ ngɛ Yufrate pa a bonyoku je ɔ tsuo nɔ, kɛ je Tifsa hluu kɛ ya pue Gaza. Matsɛmɛ ɔmɛ tsuo nɛ ngɛ Yufrate pa a bonyoku je ɔ sɔmɔ lɛ; nɛ e kɛ je ma amɛ nɛ bɔle lɛ kɛ kpe ɔ hi si ngɛ tue mi jɔmi mi.

Matsɛmɛ II, 25:28

Evilmerodak kɛ Yehoyakin hi si saminya, nɛ e ha lɛ blɔ nya nɛ pe bɔ nɛ e pee matsɛmɛ kpa amɛ nɛ a ngɔ mɛ nyɔguɛ kɛ piɛ e he ngɛ Babilonia a.

Kronika II, 36:23

“Nɔ́ nɛ imi Persia matsɛ, Sirus, i ngɛ dee ji nɛ ɔ nɛ: ‘Yawɛ, hiɔwe Mawu ɔ tu je ma amɛ a matsɛ yemi ɔmɛ tsuo ngɔ wo ye dɛ mi; nɛ e fa mi ke ma ya po we ngɔ ha lɛ ngɛ Yerusalem ngɛ Yuda. Lɔ ɔ he ɔ, nyɛ ti nɔ tsuaa nɔ nɛ ngɛ Mawu blɔ fa mi ɔ, e ba be kɛ ho lejɛ ɔ ya. Yawɛ, nyɛ Mawu ɔ nɛ piɛ nyɛ he.’ ”

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Abɛ Womi 8:15

I piɛɔ matsɛmɛ a he kɛ hyɛɛ ma nɔ; i piɛɔ nɔ yeli a he kɛ woɔ mlaa kpakpahi.

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Yesaya 47:5

Yawɛ ngɛ Babilon dee ke, “Hii si dii ngɛ diblii mi; a be mo tsɛe ke je ma amɛ a manyɛ hu.

Yeremia 28:14

Yawɛ Tabohiatsɛ, Israel Mawu ɔ ke e kɛ dade kuɛpã tso maa fɔ je ma nɛ ɔmɛ tsuo a kuɛ, nɛ a ma ba sɔmɔ Babilonia matsɛ, Nebukadnezar. Yawɛ ke e ma ha nɛ pu mi lohwehi po ma sɔmɔ Nebukadnezar.”

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Ezekiel 26:7

Nyɔmtsɛ Yawɛ ya nɔ nɛ e de ke, “Ma ha Nebukadnezar, Babilonia matsɛ nguaa pe kulaa a ma ba tua Tiro. E kɛ e tabo babauu nitsɛ, nihi nɛ hi okpɔngɔhi a nɔ, nihi nɛ ngɛ ta zugba lɛhi a mi, kɛ nihi nɛ nyɛɛ nane maa je omleyi je kɛ ba.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 2:31

“Nɛnɛ, o nla nɛ o na amaga kpetekpleenyɛ ko nɛ daa si ngɛ o hɛ mi. Amaga nɛ ɔ ngɛ kpɛe nylamnylam, nɛ e he ngɛ gbeye kaa nɔ́ ko.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:3

“Mawu okadi, ɔmɛ kle! E nyakpɛ ní ɔmɛ a he ngɛ gbeye! Mawu matsɛ yemi ɔ ngɛ kɛ yaa neneene! Mawu maa ye matsɛ daa.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Hosea 8:10

A ya bɔ ma kpahi apaa ke a ba piɛ a he lɛɛ, se e be kɛe kulaa nɛ ma gbla a tue. Be kuku pɛ a be matsɛmɛ woe hu, nɛ a be ma nimeli hu hlae.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

Kpojemi 5:12

Nɛ a ngɛ lae kɛ ngmlaa boboobo ke, “To bi nɛ a gbe ɔ, e sa kaa a ngɔ he wami, ní nami, nile, agboje, bu, hɛ mi nyami, kɛ yi jemi kɛ ha lɛ.”