Daniel 2:29 - BAIBLO ALOO NGMAMI KLƆUKLƆU Ɔ

²⁹ “Nɛnɛ, benɛ o hwɔɔ si ɔ, o nla nɔ́ ko nɛ maa ba hwɔɔ se. Mawu nɛ jeɔ laami sanehi ngɔ tsɔɔ nɔ ɔ, lɛ ji nɔ nɛ ngɛ mo nɔ́ nɛ maa ba hwɔɔ se dee ɔ nɛ.

Daniel 2:29 ပူးပေါင်းရင်းမြစ်များ

Mose I, 41:25

Yosef de matsɛ ɔ ke, “O nlami ɔmɛ tsuo, nlami kake; Mawu je nɔ́ ko nɛ e yaa pee ɔ kpo ngɔ tsɔɔ mo.

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Daniel 2:23

Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Daniel 2:45

O na hu kaa tɛ ko hia kɛ je yo ɔ mi nɛ nɔ ko nine sɛ́ he; tɛ nɛ ɔ ba fia amaga a nɛ a kɛ dade, akɔblee, zu, sika hiɔ, kɛ sika tsu pee ɔ. Mawu nɛ kle agbo ɔ je nɔ́ nɛ maa ba hwɔɔ se ɔ kɛ tsɔɔ mo. I sɛɛ nlami ɔ kɛ ha mo kaa bɔ nɛ o nla a sisiisi, nɛ i tsɔɔ mo sisi pɛpɛɛpɛ.”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!