Daniel 2:23 - BAIBLO ALOO NGMAMI KLƆUKLƆU Ɔ

²³ Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”

Daniel 2:23 ပူးပေါင်းရင်းမြစ်များ

Mose I, 18:17

Kɛkɛ nɛ Yawɛ de e he ke, “Nɔ́ nɛ i yaa pee nɛ ɔ, i kɛ be Abraham laae.

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

Matsɛmɛ I, 8:57

Yawɛ, wa Mawu ɔ kɛ wɔ nɛ hi si kaa bɔ nɛ e kɛ wa nɛmɛ ɔmɛ hi si ɔ; e ko si wɔ, nɛ e ko kua wɔ hulɔ.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika I, 29:13

Lɔ ɔ he ɔ, wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

Kronika II, 20:6

nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

La 21:2

O ha lɛ nɔ́ nɛ e ngɛ hlae ɔ; nɔ́ nɛ e bi mo ɔ hu, o kua we.

La 21:4

E bi mo ke o ha nɛ e wami se nɛ kɛ, nɛ o kplɛɛ nɔ ha lɛ. O ha lɛ be babauu nitsɛ nɛ nyagbe be he.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Abɛ Womi 21:22

Gbogbo nɛ katsɛmɛ fiaa kɛ bɔleɔ a mɔ, nɛ lɔ ɔ nɔ a ngɔɔ a hɛ ngɔ fɔɔ ɔ, ní lelɔ kuɔɔ nɛ e kpataa ma a hɛ mi.

Abɛ Womi 24:5

Ní lelɔ he wa kulaa pe nɔ nɛ́ ngɛ nɔmlɔ tso he wami kpakpataa po. Ní lelɔ he wami hiɛ babauu.

Abɛ Womi 8:14

I le ní saminya, nɛ i woɔ nɔ ga; i nuɔ nɔ́ sisi, nɛ i ngɛ he wami hulɔ.

Fiɛlɔ 7:19

Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.

Fiɛlɔ 9:16

I deɔ daa ke nile hi pe he wami. Se nɔ ko bui ohiatsɛ ní lelɔ; e nya mi munyu po a bui tue.

Fiɛlɔ 9:18

Nile hi pe ta hwumi níhi. Se yayami peelɔ kake kpataa ní kpakpahi babauu a hɛ mi.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yeremia 33:3

“Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Daniel 1:17

Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Yohane 11:41

Jehanɛ a je tɛ ɔ; kɛkɛ nɛ Yesu wo e hɛ nɔ nɛ e hyɛ hiɔwe, nɛ e de ke, “Tsaatsɛ, i naa mo si kaa o buɔ mi tue.

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”