Daniel 2:21 - BAIBLO ALOO NGMAMI KLƆUKLƆU Ɔ

²¹ Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Daniel 2:21 ပူးပေါင်းရင်းမြစ်များ

Matsɛmɛ I, 10:24

nɛ je ɔ tsuo hlaa kaa a maa ba nɛ a ba bu nile nɛ Mawu ngɔ ha lɛ ɔ tue.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ I, 4:29

Mawu ha Salomo nile, nɔ́ sisi numi, kɛ juɛmi nɛ nya wa babauu nitsɛ bɔ nɛ a be nyɛe maa kale.

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Kronika I, 29:30

Níhi nɛ ngɛ sane nɛ ɔmɛ a mi ji Matsɛ David tsɛ yemi, e he wami, kɛ níhi tsuo nɛ ba lɛ David ɔ, Israel ma a, kɛ mahi nɛ bɔle mɛ ɔ a nɔ.

Ester 1:13

Ke sane kaa kikɛ nɛ ɔ ba a, matsɛ ɔ tsɛɔ ga woli nɛ a woɔ lɛ ga. Lɔ ɔ he ɔ, e tsɛ e ga woli nɛ le a mlaa amɛ, kɛ kusumi ɔmɛ saminya a, konɛ a tsɔɔ lɛ nɔ́ nɛ sa nɛ e pee.

Hiob 12:18

E kpaa matsɛmɛ, nɛ e haa nɛ a plɛɔ peeɔ pamitsɛmɛ.

Mose II, 31:3

nɛ i ngɔ mumi mi nike ní babauu ngɔ ha lɛ. I dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo,

Mose II, 31:6

Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:

Daniel 1:17

Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 11:6

Jeha komɛ a se ɔ, Egipt matsɛ ɔ, kɛ Siria matsɛ ɔ maa pee huɛ, nɛ e kɛ e biyo ma ha Siria matsɛ ɔ. Se huɛ bɔmi nɛ ɔ se be kɛe; nɛ a maa gbe yo ɔ, e huno ɔ, e bi ɔ, kɛ e tsɔli ɔmɛ tsuo nɛ a kɛ lɛ ya a.

Daniel 2:20

Daniel de ke, “A je Mawu yi kɛ ya neneene, ejakaa ní lelɔ ji lɛ, nɛ e ngɛ he wami hulɔ.

Daniel 2:23

Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”

Daniel 2:9

kaa ke nyɛ nyɛ we nɛ nyɛɛ tsɔɔ mi nlami ɔ, tue gblami kake ma ha nyɛ tsuo. Nyɛ so kaa nyɛ maa ye mi lakpa hluu kaa alini níhi ma tsake. Lɔ ɔ he ɔ, nyɛɛ sɛɛ mi nlami ɔ. Ke nyɛ pee ja a, kɛkɛ imi hu ma le kaa nyɛ ma nyɛ maa tsɔɔ mi sisi.”

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”