Daniel 2:12 - BAIBLO ALOO NGMAMI KLƆUKLƆU Ɔ

¹² Nɔ́ nɛ ɔ wo matsɛ ɔ mi mi la wawɛɛ nitsɛ, nɛ e fa ke a gbe ní leli ɔmɛ tsuo ngɛ Babilon.

Daniel 2:12 ပူးပေါင်းရင်းမြစ်များ

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Abɛ Womi 16:14

Ní lelɔ bɔɔ mɔde kaa e ma ha nɛ matsɛ nɛ na bua jɔmi daa; ke matsɛ mi mi fu ɔ, nɔ ko ma gbo.

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Abɛ Womi 20:2

Ke matsɛ mi mi fu ɔ, ye lɛ gbeye kaa bɔ nɛ o maa ye jata nɛ ngɛ huae gbeye. Nɔ nɛ woɔ matsɛ mi mi la a, lɛ nitsɛ e wami e kɛ ngɛ fiɛe ɔ nɛ.

Abɛ Womi 29:22

Nɔ nɛ woɔ e mi mi la a, e woɔ pɛ. Nɔ nɛ naa abofu peeɔ tɔmi babauu.

Daniel 2:24

Kɛkɛ nɛ Daniel ya Ariok ngɔ nɛ e ya de lɛ ke, “Koo gbe Babilon ga woli ɔmɛ. Ngɔɔ mi kɛ ya matsɛ ɔ ngɔ nɛ ma tsɔɔ lɛ nlami ɔ sisi.” (Ariok ji nɔ nɛ matsɛ ɔ fa ke e gbe matsɛ ga woli ɔmɛ ɔ nɛ.)

Daniel 2:5

Matsɛ ɔ he nɔ ke, “Bɔ nɛ i to ye yi mi, nɛ́ i be tsakee ji nɛ ɔ nɛ. Nlami nɛ i nla a, nyɛ lɛ nyɛ maa sɛɛ ha mi, nɛ nyɛ nɔuu nyɛ maa tsɔɔ sisi. Ke nyɛ nyɛ we nɛ nyɛɛ pee ja a, ma ha a ma tsɔtslɔɔ nyɛ mi kpɔ nya kpɔ nya, nɛ nyɛ we ɔmɛ maa pee we dokuhi.

Daniel 3:13

Matsɛ Nebukadnezar mi mi fu wawɛɛ nitsɛ, nɛ e fa ke a ya ngɔ Shadrak, Meshak, kɛ Abednego kɛ ba. Benɛ a ya ngɔ mɛ kɛ ba a,

Daniel 3:19

Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.