Daniel 2:11 - BAIBLO ALOO NGMAMI KLƆUKLƆU Ɔ

¹¹ Nɔ́ nɛ nɛnɛ ngɛ bie ɔ, nɔ́ ɔ he wa wawɛɛ nitsɛ. Nɔ ko nɔ ko be nyɛe maa pee ha mo, ja mawu ɔmɛ pɛ. Nɛ mawu ɔmɛ hu tsa pi a hi he ji nimli adesahi a kpɛti.”

Daniel 2:11 ပူးပေါင်းရင်းမြစ်များ

Mose I, 41:39

Farao ɔ de Yosef ke, “Akɛnɛ Mawu lɛ je ní nɛ ɔmɛ tsuo ngɔ tsɔɔ mo ɔ, e tsɔɔ kaa nɔ kpa ko be nɛ le ní, nɛ e hɛ mi ka si kaa ja mo pɛ.

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

La 132:14

E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Mose II, 8:19

Kɛkɛ nɛ wɔnɔ ɔmɛ de Farao ɔ ke, “Mawu nɔ́ peepee ji nɛ ɔ nɛ.” Se kɛ̃ Farao ɔ kplii e tsui; nɛ kaa bɔ nɛ Yawɛ de ɔ, e bui mɛ tue.

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Daniel 4:4

“Imi Nebukadnezar, i ngɛ ye mɔ ɔ nɔ ngɛ tue mi jɔmi mi, nɛ i plɔke.

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Mose IV, 35:34

Nyɛ ko ble zugba nɛ nyɛ ngɛ nɔ ɔ, he nɛ imi hu i hii ɔ; ejakaa imi ji Yawɛ, nɛ Israel bi ɔmɛ a kpɛti lɛ i hii.”

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 14:17

Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.