Daniel 12:8 - BAIBLO ALOO NGMAMI KLƆUKLƆU Ɔ

⁸ I nu nɔ́ nɛ e de ɔ lɛɛ, se i nui sisi. Lɔ ɔ he ɔ, i bi lɛ ke, “Ye nyɔmtsɛ, i kpa mo pɛɛ, kɛ ní nɛ ɔmɛ tsuo a nyagbe maa ba kɛɛ?”

Daniel 12:8 ပူးပေါင်းရင်းမြစ်များ

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

Yohane 12:16

Jamɛ a be ɔ, e kaseli ɔmɛ nui nɔ́ nɛ ɔ sisi; se benɛ a tle Yesu si, nɛ a wo e hɛ mi nyami se ɔ, a kai kaa a ngma nɔ́ nɛ ɔ ngɛ Yesu he, nɛ e ba mi.

Luka 18:34

Se kaseli ɔmɛ nui ní nɛ ɔmɛ ekoeko sisi; a ngɔ munyu ɔmɛ a sisi numi ngɔ laa mɛ, nɛ nɔ́ nɛ Yesu ngɛ dee ɔ, a kɔ we se.

Daniel 12:6

Kɛkɛ nɛ nɔ kake bi bɔfo ɔ nɛ wo kploba tade kɛ daa si ngɛ pa a yiti je ɔ ke, “Mɛni be kikɛmɛ a nyakpɛ ní nɛ ɔmɛ maa hi si kɛ yaa si loko a se maa po?”

Daniel 10:14

I ba, konɛ ma ba tsɔɔ mo nɔ́ nɛ maa ba o ma a nɔ hwɔɔ se, ejakaa nina a kɔɔ hwɔɔ se níhi a he.”

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.