Daniel 12:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ nɔ kake bi bɔfo ɔ nɛ wo kploba tade kɛ daa si ngɛ pa a yiti je ɔ ke, “Mɛni be kikɛmɛ a nyakpɛ ní nɛ ɔmɛ maa hi si kɛ yaa si loko a se maa po?”

Daniel 12:6 ပူးပေါင်းရင်းမြစ်များ

La 74:9

Wa pa nɛ okadi ko hu; gbalɔ ko gbalɔ ko be hu. Nɔ ko nɔ ko hu li be nɛ nɔ́ nɛ ɔ se maa po.

Ezekiel 9:2

Amlɔ nɔuu ɔ, nyumuhi ekpa je yiti je agbo nɛ ngɛ omleyi je ɔ mi kɛ ba kɛ a dɛ mi awi yemi dadehi. Nɔ ko hu nɛ ha kploba, nɛ e kpla womi ngmami nɔ́ ko ngɛ e kasa nya kɛ mɛ ba. A ba da si ngɛ bɔ sami la tɛ nɛ a kɛ akɔblee pee ɔ he.

Daniel 12:5

Jehanɛ, imi Daniel, i na nyumuhi enyɔ nɛ daa si ngɛ pa ko he; nɔ kake daa si ngɛ pa a se lejɛ, nɛ nɔ kake daa si ngɛ kpo he hiɛmɛ a je.

Daniel 12:8

I nu nɔ́ nɛ e de ɔ lɛɛ, se i nui sisi. Lɔ ɔ he ɔ, i bi lɛ ke, “Ye nyɔmtsɛ, i kpa mo pɛɛ, kɛ ní nɛ ɔmɛ tsuo a nyagbe maa ba kɛɛ?”

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Daniel 8:16

I nu nɛ nɔ ko tu munyu ngɛ Ulai pa a mi ke, “Gabriel, tsɔɔ nyumu ɔ nina a sisi.”

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Marko 13:4

“Tsɔɔlɔ, níhi nɛ o de nɛ ɔ, mɛni be a maa ba mi? De wɔ! Ke ní nɛ ɔmɛ tsuo maa ba mi ɔ, mɛni okadi maa je kpo?”

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Kpojemi 15:6

Bɔfo kpaago ɔmɛ nɛ hɛɛ haomi kpaago ɔmɛ ɔ je kpo kɛ je sɔlemi we ɔ. A wo tade nɛ a kɛ kploba ngmingmiingmi nɛ ngɛ kpɛe klaiklai pee; nɛ a ngɔ kpa nɛ a kɛ sika tsu pee kɛ fi a gugue.

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”