Daniel 12:3 - BAIBLO ALOO NGMAMI KLƆUKLƆU Ɔ

³ Ní leli ɔmɛ nɛ nyɛɛ ma a hɛ mi ɔ ma kpɛ kaa pu. Ni nɛmɛ nɛ tsɔɔ nihi babauu blɔ nɛ a pee nɔ́ nɛ da a, mɛɛ lɛɛ a ma kpɛ kaa dodoehi kɛ maa ya neneene.”

Daniel 12:3 ပူးပေါင်းရင်းမြစ်များ

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Daniel 11:33

Ní leli nɛ ngɛ ma hɛ mi nyɛɛli ɔmɛ a kpɛti ɔ maa tsɔɔ ma mi bi ɔmɛ babauu ní. Se pee se ɔ, a maa gbe a ti ni komɛ ngɛ ta nga nɔ, nɛ a maa sã ni komɛ. A maa ha ní ngɛ ni komɛ hu a dɛ, nɛ a maa nuu mɛ nyɔguɛ.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

Hebribi 5:12

Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Yohane 4:36

Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

1 Korintobi 3:10

I ngɔ Mawu dloomi nɛ e ha mi ɔ, nɛ i kɛ to tsu ɔ sisi kaa tsu fialɔ kpanaa nɛ le ga tsuɔ ní; nɛ nɔ kpa ba ngɛ nɔ fiae. Se e hia kaa nɔ tsuaa nɔ nɛ hyɛ kaa e ngɛ tsu ɔ fiae saminya ngɛ sisi tomi ɔ nɔ lo.

Yeremia 23:22

A le nɔ́ nɛ ngɛ ye yi mi jinɛ a ko fiɛ ha ye ma a. Ke a pee ja a, ye ma a maa je a blɔ yayami ɔmɛ a nɔ, nɛ a ní yayami ɔmɛ hu a ma kpa peemi.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

Abɛ Womi 3:35

Ní leli a hɛ mi maa ba nyami, se kuasiahi lɛɛ a hɛ mi ma pue si.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Mose II, 34:35

a naa kaa e hɛ mi ngɛ kpɛe. Lɔ ɔ se ɔ, Mose kpaleɔ ngɔɔ nɔ́ kɛ haa e hɛ mi kɛ ya siɔ be nɛ e maa ya nɛ e kɛ Yawɛ ma ya tu munyu ekohu.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Fiɛlɔ 12:9

Fiɛlɔ ɔ, pi kaa e juɛmi mi kuɔ kɛkɛ; e tsɔɔ ma a nile hulɔ. E bua abɛhi a nya. E kase abɛ ɔmɛ saminya, nɛ e hla a mi.