Daniel 12:2 - BAIBLO ALOO NGMAMI KLƆUKLƆU Ɔ

² Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Daniel 12:2 ပူးပေါင်းရင်းမြစ်များ

Abɛ Womi 12:8

Ke o ngɛ juɛmi ɔ, a ma je o yi. Se ke o biɛ lɛɛ a maa gbe o he guɛ.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

Ezekiel 37:12

Lɔ ɔ he ɔ, gbaa kɛ tsɔɔ ye ma Israel, nɛ o de mɛ ke imi Nyɔmtsɛ Yawɛ nitsɛ ma bli a yɔkɔ ɔmɛ a nya. Ma je mɛ kpo, nɛ ma ha a ma ba hi mɛ nitsɛmɛ a zugba nɔ ekohu.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Romabi 9:21

Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

1 Tesalonikabi 4:14

Wa heɔ yeɔ kaa Yesu gbo, nɛ e te si ekohu. Jã kɛ̃, wa heɔ yeɔ kaa ke Yesu ma a, Mawu maa ngɔ nihi nɛ gbo ɔ ngɔ piɛ e he kɛ ba.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.