Daniel 12:12 - BAIBLO ALOO NGMAMI KLƆUKLƆU Ɔ

¹² A gbaa ni nɛmɛ nɛ maa ye anɔkuale kɛ yaa si ligbi nɛ ji akpe kɛ e nya lafa etɛ kɛ nyingmi etɛ kɛ enuɔ ɔ!

Daniel 12:12 ပူးပေါင်းရင်းမြစ်များ

Daniel 8:14

I nu nɛ kaketsɛ ɔ ha lɛ heto ke, “Nɔ́ nɛ ɔ maa ya nɔ ligbi akpe kɛ e nya lafa etɛ sɔuu. Jamɛ a be ɔ mi ɔ, a be mɔtu kɛ gbɔkuɛ bɔhi sãe. Lɔ ɔ se loko a ma bɔni ní tsumi ngɛ Yawɛ we ɔ ekohu kaa sa a.”

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Kpojemi 11:2

Se kue ɔ nɛ ngɛ sɔlemi we ɔ we agbo ɔ nya a lɛɛ ko susu. Si lɔ ɔ, ejakaa a ngɔ kɛ ha je ma amɛ, nɛ a ma si ako ngɛ ma klɔuklɔu ɔ mi nyɔhiɔ nyingmi eywiɛ kɛ enyɔ.

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Kpojemi 13:5

A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.

Ezekiel 4:6

Ke o gbe enɛ ɔmɛ a nya a, kpale nɛ o hwɔ o hiɔ nɔ, nɛ o tloo Yuda ma a hu a he yayami ɔmɛ ligbi nyingmi eywiɛ. Ligbi kake tue gblami daa si ha jeha kake nɔ́.