Daniel 11:5 - BAIBLO ALOO NGMAMI KLƆUKLƆU Ɔ

⁵ “Egipt matsɛ ɔ he maa wa. Se e ganɔ ɔmɛ a ti nɔ kake he maa wa kulaa pe lɛ, nɛ e matsɛ yemi ɔ hu ma blɛke pe e nɔ́ ɔ.

Daniel 11:5 ပူးပေါင်းရင်းမြစ်များ

Daniel 11:25

“E maa pee nyumu, nɛ e kɛ tabo babauu ma ya tua Egipt. Egipt matsɛ ɔ hu ma bua tabo babauu nitsɛ a nya, nɛ e kɛ lɛ maa hwu. Se, nɔ se blɔ tsɔɔli komɛ maa so ngɔ wo Egipt matsɛ ɔ he, nɛ e be kunimi yee.

Daniel 11:14

Jamɛ a be ɔ mi ɔ, nihi babauu maa te si kɛ wo Egipt matsɛ ɔ. Mo nitsɛ o ma mi bi atuã tsɔli komɛ hu ma tsɔ atuã ngɛ nina ko nɛ a na a he. Se a maa ye a nɔ.

Daniel 11:11

Egipt matsɛ ɔ mi mi ma fu. E kɛ Siria matsɛ ɔ ma ya hwu ta, nɛ e maa nuu Siria ta buli babauu nyɔguɛ.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.