Daniel 11:45 - BAIBLO ALOO NGMAMI KLƆUKLƆU Ɔ

⁴⁵ E maa ma matsɛ bo tsu agboagbohi ngɛ wo ɔ, kɛ yo ɔ nɛ Yawɛ we ɔ maa si ngɛ nɔ ɔ a kpɛti. Se e ma gbo ngɛ lejɛ ɔ, nɛ nɔ ko be bae nɛ e ba je ngmlaa ha lɛ.”

Daniel 11:45 ပူးပေါင်းရင်းမြစ်များ

La 48:2

Zion yo ɔ nɛ ngɛ omleyi je lokoo ɔ, lɔ ɔ ji matsɛ kpetekpleenyɛ ɔ ma. Yo klɔuklɔu ɔ nɛ maa si glouu kɛ e he fɛu ɔ, lɔ ɔ lɛ haa je ɔ tsuo bua jɔmi.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

Yesaya 14:13

O to o yi mi kaa o maa kuɔ kɛ ya hiɔwe lokoo nɛ o kɛ o matsɛ sɛ ɔ ya ma Mawu dodoe ɔmɛ nɛ ya hiɔwe pe kulaa a a se tɔɔ. O susu kaa o maa hi si kaa matsɛ ngɛ jamɛ a yo ɔ nɔ, ngɛ omleyi je he nɛ a kpee ngɛ ɔ.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Ezekiel 39:2

Ma dɔ e yi kɛ gu he kpa; ma ngɔ lɛ kɛ je tsitsaa omleyi je tɔɔ kɛ ba Israel yo ɔmɛ a nɔ.

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Daniel 11:41

E ma ya tua zugba a nɛ a wo he si ɔ po, nɛ e maa gbe nihi babauu nitsɛ. Se Edom, Moab, kɛ Amon bi nɛ piɛ ɔ, mɛɛ lɛɛ e nine be a nɔ sue.

Daniel 11:44

Se e maa nu sane komɛ kɛ je beleku je kɛ omleyi je, nɛ e tsui maa po. Nɔ́ nɛ ɔ ma ha nɛ e ma kpata nihi babauu a hɛ mi basabasa.

Daniel 2:35

Amlɔ ɔ, dade ɔ, zu ɔ, akɔblee ɔ, sika hiɔ ɔ, kɛ sika tsu ɔ tsuo ywia wɔtsɔwɔtsɔ, nɛ a pee kaa bunyuku nɛ pueɔ si ngɛ ngma mi sami he ngɛ latsa be mi. Kɛkɛ nɛ kɔɔhiɔ ba muɔ mɛ kɛ je, nɛ a nɛ mɛ ngɛ he ko he ko hu. Se tɛ ɔ nɛ ba fia amaga a lɛɛ e ba pee yo agbo nɛ ha je ɔ mi tsuo.

Daniel 7:26

Pee se ɔ, kojoli ɔmɛ ma ba kojo; a maa ngɔ he wami ɔ ngɛ e dɛ, nɛ a ma kpata e hɛ mi kɛ gbe nya.

Daniel 8:25

E maa to ga kɛ sisi nihi babauu. E ma wo e he nɔ, nɛ e ma kpata nihi babauu a hɛ mi be mi nɛ a hɛ be a he nɔ. Ganɔhi a ganɔ ɔ nitsɛ po, e maa te si ngɔ wo lɛ. Se a ma kpata e hɛ mi; nɛ tsa pi nɔmlɔ adesa he wami nɛ ma tsu nɔ́ nɛ ɔ.

Daniel 9:16

Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Mose IV, 34:5

Jehanɛ, huzu ɔ maa dɔ e yi kɛ je Azmon kɛ ba Egipt pa a he, nɛ e nya maa sɛ Mediterenia wo ɔ mi.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

2 Tesalonikabi 2:8

Kɛkɛ ɔ, a ma je dikalɔ ɔ kpo paa. Se ke Nyɔmtsɛ Yesu ba a, e kɛ mumi nɛ maa je e nya mi ɔ maa gbe lɛ, nɛ e hɛ mi kpɛmi ɔ ma kpata dikalɔ ɔ hɛ mi pɛsɛpɛsɛ.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 20:2

E nu sinɔ nguaa a, jamɛ a blema sinɔ ɔ nɛ a tsɛ lɛ Abosiami, loo Satan ɔ, nɛ e kɛ kɔsɔkɔsɔ ɔ fi lɛ, konɛ e hi si jeha akpe.

Kpojemi 20:9

A gbɛ fĩa je ɔ mi tsuo. Nɛ ma nɛ Mawu suɔ, nɛ ni klɔuklɔu ɔmɛ pueɔ si ngɛ lejɛ ɔ, a ya sa e yi. Se la je hiɔwe ba kpata a hɛ mi.