Daniel 11:40 - BAIBLO ALOO NGMAMI KLƆUKLƆU Ɔ

⁴⁰ “Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Daniel 11:40 ပူးပေါင်းရင်းမြစ်များ

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Ezekiel 38:4

Ma mlɔɔ e hɛ mi, nɛ ma ngɔ gbowe kɛ wo e tsitsa mi. Ma gbla e tabo ɔ, e we okpɔngɔ ɔmɛ, kɛ okpɔngɔ ta buli babauu nɛ a mia kɛ ha ta a kɛ je. Ta bulɔ tsuaa ta bulɔ hɛɛ tsɛ̃i, nɛ e mia kɛ klaate.

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Daniel 11:11

Egipt matsɛ ɔ mi mi ma fu. E kɛ Siria matsɛ ɔ ma ya hwu ta, nɛ e maa nuu Siria ta buli babauu nyɔguɛ.

Daniel 11:13

“Siria matsɛ ɔ maa kpale e se; nɛ e ma ya bua tabohi babauu nɛ a hiɛ pe kekle ni ɔmɛ a nya. Jeha komɛ a se ɔ, Siria matsɛ ɔ maa kpale ba kɛ ta buli babauu nɛ a he hiɛ pe kekle ni ɔmɛ po. A kɛ ta níhi babauu hu maa ba.

Daniel 11:22

Nihi nɛ maa te si ngɔ wo lɛ ɔ, e ma kpata a hɛ mi, kɛ Mawu nitsɛ ganɔ nɔkɔtɔma pe kulaa a tsuo.

Daniel 11:25

“E maa pee nyumu, nɛ e kɛ tabo babauu ma ya tua Egipt. Egipt matsɛ ɔ hu ma bua tabo babauu nitsɛ a nya, nɛ e kɛ lɛ maa hwu. Se, nɔ se blɔ tsɔɔli komɛ maa so ngɔ wo Egipt matsɛ ɔ he, nɛ e be kunimi yee.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

Daniel 11:39

E maa ngɔ nihi nɛ jaa ma se mawuhi kɛ bu e mɔ ɔmɛ a he. Nihi nɛ buɔ lɛ ɔ, e maa wo a hɛ mi nyami babauu; e ma ha mɛ blɔ nya nguanguahi, nɛ e maa dla zugba ngɔ ha mɛ.

Daniel 11:7

Pee se ɔ, yo ɔ weku no ko ma ba ye matsɛ. E ma tua Siria matsɛ ɔ tabo ɔ, nɛ e maa sɛ a mɔ ɔ mi, nɛ e maa ye a nɔ.

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Habakuk 3:14

Benɛ he nyɛli ɔmɛ hia ta kɛ ma puu kaa ahumi, konɛ a ba gbɛ wɔ ngɔ fĩa, nɛ e pee mɛ kaa peepee ta wa he, nɛ balɔ ko be, lɔ ɔ a nine gbe wɔ ɔ, o tsɛ o kɛ̃ɛ̃ mi bi ɔmɛ kɛ ya na a tatsɛ nɔkɔtɔma a.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Kpojemi 16:12

Enɛ ɔ se ɔ, bɔfo ekpane ɔ plɛ e kplu ɔ mi nɔ́ ɔ ngɔ pue Yufrate pa nguaa a mi. Nyu ɔ mii ngɛ pa a mi, nɛ e kɛ je blɔ ha matsɛmɛ ɔmɛ nɛ maa je beleku je kɛ ba a.

Kpojemi 9:16

A tsɔɔ mi okpɔngɔ ta buli ɔmɛ a yibɔ; a hiɛmi ji ayɔ lafa enyɔ.