Daniel 11:36 - BAIBLO ALOO NGMAMI KLƆUKLƆU Ɔ

³⁶ “Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 11:36 ပူးပေါင်းရင်းမြစ်များ

La 136:2

Nyɛɛ na mawu ɔmɛ a Mawu ɔ si; ejakaa e suɔmi ɔ ngɛ kɛ yaa neneene!

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Yesaya 10:23

Nɔ́ jemi ko be he kaa Nyɔmtsɛ Yawɛ Tabohiatsɛ ɔ ma kpata zugba a tsuo hɛ mi kaa bɔ nɛ e de ke e maa pee ɔ.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 14:13

O to o yi mi kaa o maa kuɔ kɛ ya hiɔwe lokoo nɛ o kɛ o matsɛ sɛ ɔ ya ma Mawu dodoe ɔmɛ nɛ ya hiɔwe pe kulaa a a se tɔɔ. O susu kaa o maa hi si kaa matsɛ ngɛ jamɛ a yo ɔ nɔ, ngɛ omleyi je he nɛ a kpee ngɛ ɔ.

Yesaya 14:14

O de hu ke o maa kuɔ kɛ ya bɔku ɔmɛ a yi mi tɔɔ; nɛ o maa pee o he kaa Tabohiatsɛ ɔ nitsɛ.

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yesaya 57:9

Nyɛ ngɔɔ nu, kɛ nu kɛ e he via fuu kɛ hiaa blɔ kɛ ya jaa mawu ɔ nɛ a tsɛɛ Molek ɔ. Bɔ nɛ pee nɛ nyɛ na mawu kpahi nɛ nyɛ ja a, nyɛ tsɔɔ nihi kɛ yaa ma se tsitsaa lokoo, kɛ yaa gbeje tete po.

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

Ezekiel 35:13

Pupuupu nɛ o pee, nɛ o tu musu bɔmi munyuhi babauu kɛ si mi ɔ, i nu lɛ tsuo.”

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Daniel 11:3

“Kɛkɛ ɔ, matsɛ katsɛ ko maa ba. E kɛ he wami nɛ nya wa maa ye tsɛ, nɛ nɔ́ nɛ e suɔ ɔ, lɔ ɔ e maa pee.

Daniel 11:37

Matsɛ ɔ be mawu ɔmɛ nɛ e nɛmɛ ɔmɛ ja a bue; mawu ɔ nɛ yihi suɔ ɔ hu, e be lɛ bue. Anɔkuale mi ɔ, e be mawu ko mawu ko bue fɛɛ; ejakaa e ma susu kaa e kle pe mɛ tsuo pɛpɛɛpɛ.

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Daniel 7:8

Benɛ i ngɛ koli ɔmɛ hyɛe kɛ mwɔɔ ɔ, tlukaa a, koli wayo ko ba hia kpo ngɛ koli ɔmɛ a kpɛti. Koli wayo nɛ ɔ hia kolihi nɛ ngɛ lejɛ ɔ momo ɔ etɛ kɛ pue si. Nɔmlɔ adesa hɛngmɛhi ngɛ koli wayo nɛ ɔ he, kɛ nya hu nɛ ngɛ munyu tue putɛputɛɛ.

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Daniel 8:4

I na nɛ agbosu ɔ ngɔ e koli ɔmɛ kɛ ngɛ lohwehi hɛɛe ngɛ e blɔ mi, kɛ je bonyoku, omleyi, kɛ leneyi je. Lohwe ko lohwe ko nyɛ we lɛ, loo e kpɔ e he kɛ je e dɛ mi. Agbosu ɔ bui nɔ́ ko nɔ́ ko; nɔ́ nɛ e suɔ nɛ e peeɔ.

Zakaria 11:16

Ejakaa i ngɛ to hyɛlɔ ko tsɔe kɛ ma zugba a nɔ. Tohi nɛ a hɛ mi miɔ nɛ e kpata a, a nɔ́ pee we lɛ kɔmɔ. Ní nɛmɛ nɛ laa a, e be a se blɔ hlae. Hiɔtsɛmɛ ɔmɛ hu e be mɛ tsae; nɛ ní nɛmɛ nɛ ngɛ he wami ɔ hu, e be mɛ ní hae; mohu ɔ, e maa ye ní nɛmɛ nɛ wo zɔ ɔ, nɛ e ma kpɔ a nane kokloto tete.

Yohane 5:30

“I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

2 Tesalonikabi 2:8

Kɛkɛ ɔ, a ma je dikalɔ ɔ kpo paa. Se ke Nyɔmtsɛ Yesu ba a, e kɛ mumi nɛ maa je e nya mi ɔ maa gbe lɛ, nɛ e hɛ mi kpɛmi ɔ ma kpata dikalɔ ɔ hɛ mi pɛsɛpɛsɛ.

Yoshua 22:22

“Yawɛ, Mawu Ope! Yawɛ Mawu Ope! Lɛ pɛ nɛ e le nɔ́ he je nɛ wa pee enɛ ɔ, nɛ wa suɔ kaa nyɛ hu nyɛɛ le! Ke wa tsɔ atuã, nɛ wa yi Yawɛ anɔkuale ɔ, lɛɛ nyɛɛ gbe wɔ!

Kpojemi 10:7

Se ke bɔfo kpaagone ɔ kpa e titimati ɔ, yi mi nɛ Mawu to ngɔ laa, nɛ e de e tsɔli nɛ ji gbali ɔmɛ ɔ, Mawu ma ha nɛ e ba mi.”

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

Kpojemi 13:1

Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.