Daniel 11:34 - BAIBLO ALOO NGMAMI KLƆUKLƆU Ɔ

³⁴ Be mi nɛ a ngɛ Mawu ma mi bi ɔmɛ gbee ɔ, ni komɛ ma ba je ngmlaa ha mɛ kɛ̃. Se ngmlaa jeli nɛ ɔmɛ a ti nihi babauu maa ba ngɛ mɛ nitsɛmɛ a se nami he.

Daniel 11:34 ပူးပေါင်းရင်းမြစ်များ

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Kpojemi 12:13

Benɛ sinɔ nguaa a na kaa a sake lɛ ba fɔ zugba a nɔ ɔ, e nyɛɛ yo ɔ nɛ fɔ binyumu ɔ se kɛ fo.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

1 Yohane 4:5

Jamɛ a lakpa gbali ɔmɛ ɔ, munyu nɛ kɔɔ je nɛ ɔ mi níhi a he nɛ a tuɔ. Nɛ je ɔ buɔ mɛ tue, ejakaa je ɔ mi nɛ a je.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Daniel 11:21

Bɔfo ɔ ya nɔ nɛ e de ke, “Nɔ nɛ ma ba ye tsɛ ngɛ e se ɔ maa pee nɔ ko nɛ bu be e he, nɛ́ e sɛ́ kaa e yeɔ matsɛ. Nɔmlɔ nɛ ɔ maa ba tlukaa, nɛ e kɛ sisimi, kɛ nya mi ngɔngɔɛ munyu tumi ma kpɔ matsɛ yemi ɔ.

Daniel 11:32

Matsɛ ɔ kɛ nya mi ngɔngɔɛ munyu tumi ma puɛ nihi nɛ kua a jami ɔ a juɛmi, nɛ a ma ba nyɛɛ e se. Se ni nɛmɛ nɛ nyɛɛ Mawu se anɔkuale mi ɔ maa da si kpɛii, nɛ a kɛ mɛ maa to ní.