Daniel 11:33 - BAIBLO ALOO NGMAMI KLƆUKLƆU Ɔ

³³ Ní leli nɛ ngɛ ma hɛ mi nyɛɛli ɔmɛ a kpɛti ɔ maa tsɔɔ ma mi bi ɔmɛ babauu ní. Se pee se ɔ, a maa gbe a ti ni komɛ ngɛ ta nga nɔ, nɛ a maa sã ni komɛ. A maa ha ní ngɛ ni komɛ hu a dɛ, nɛ a maa nuu mɛ nyɔguɛ.

Daniel 11:33 ပူးပေါင်းရင်းမြစ်များ

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 20:23

Yesu de mɛ ke, “Ee, nyɛ maa nu. Se kaa nɔ ko maa hi ye hiɔ nɔ, loo ye muɔ nɔ ɔ, jamɛ a blɔ nya a lɛɛ pi imi nɛ i haa nɔ. Blɔ he nɛ ɔmɛ fɔɔ si kɛ ha nihi nɛ Tsaatsɛ nitsɛ dla kɛ to ɔ.”

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Ni Tsumi 11:26

Benɛ e na lɛ ɔ, e kɛ lɛ ba Antiokia ekohu. A kɛ asafo ɔ hi si jeha mluku, nɛ a tsɔɔ nihi babauu ní. Antiokia ji he nɛ a wo nihi nɛ he ye ɔ biɛ ngɛ ke Kristo we bi.

Ni Tsumi 14:21

Paulo kɛ Barnaba fiɛ sane kpakpa a ngɛ Derbe ma a mi, nɛ nihi babauu ba he Yesu ye. Lɔ ɔ se ɔ, Paulo kɛ Barnaba kpale kɛ ho Listra, kɛ Ikoniom, kɛ Antiokia ngɛ Pisidia ya.

1 Korintobi 4:9

Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

2 Timoteo 4:6

Imi lɛɛ a miɔ nɛ a ngɔ mi kɛ sã bɔ. Ee, be ɔ nɛ ma je je ɔ mi ɔ su.

Hebribi 11:34

Hemi kɛ yemi a kɛ gbe la nɛ ngɛ tsoe gegeege ngɛ hehi, hemi kɛ yemi ha a je klaate nya, e ha ni wudɔwudɔhi ba pee katsɛmɛ; a kɛ ta buli nɛ je ma se hwu ta, nɛ a ye kunimi.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.