Daniel 11:30 - BAIBLO ALOO NGMAMI KLƆUKLƆU Ɔ

³⁰ Roma ta lɛhi ma ba tua lɛ, nɛ e tsui maa po. “E kɛ mi mi la maa kpale e se, nɛ e ma hla kaa e gu Mawu ma a a jami ɔ. E maa bu nihi nɛ kua kikɛmɛ a jami ɔ a ga womi tue.

Daniel 11:30 ပူးပေါင်းရင်းမြစ်များ

Mose I, 10:4

Yavan nina ji Elisha, Spania, Kipro, kɛ Rodo bi.

Mose IV, 24:24

Lɛhi maa je Kipro wo nya kɛ ba, nɛ a maa hao Asiria, kɛ Eber. Nɛ mɛ nitsɛmɛ hu a hɛ mi ma kpata!”

Daniel 11:28

Siria matsɛ ɔ maa kpale kɛ ho lɛ nitsɛ e zugba nɔ ya kɛ ta yibu ní babauu ɔ nɛ e na a. E ma hla kaa e gu Mawu ma a a jami ɔ. E maa pee e suɔmi nya ní, nɛ lɔ ɔ se ɔ, e maa kpale kɛ ho lɛ nitsɛ e zugba nɔ ya.

Yeremia 2:10

Nyɛɛ ya Kipro wo kpɔ ɔmɛ a nɔ nɛ nyɛ ya hyɛ; nyɛɛ tsɔ kɛ ya Kedar nɛ nyɛ ya hla mi fitsofitso; nyɛɛ hyɛ kaa nɔ́ ko kaa kikɛ nɛ ɔ ba hyɛ lo!

Yesaya 23:12

Sidon ma, o bua jɔmi ɔ se po, nɛ a ngɛ o ma mi bi ɔmɛ yi mi wae. Ke a tu fo kɛ ho Kipro ya tete po, lejɛ ɔ hu, a be he jɔmi nae.

Yesaya 23:1

Sɛ gbi nɛ kɔɔ Tiro he ji nɛ ɔ nɛ. Nyɛ akua hluili ngɛ wo nɔ, nyɛ nya awe nɛ nyɛɛ ye kɔmɔ. Ejakaa nyɛ lɛsimuɔ he ngɛ Tiro ɔ, a kpata e hɛ mi pɛsɛpɛsɛ; we ɔmɛ, kɛ lɛ dami he ɔ tsuo hɛ mi kpata. Benɛ nyɛ lɛ ɔmɛ kpale kɛ je Kipro kɛ ma a nɛ nyɛ nu sane nɛ ɔ.

Kpojemi 12:12

Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Ezekiel 27:6

Akɔfa amɛ lɛɛ, Bashan tso nguaa amɛ a kɛ hlɔ mɛ. Lɛ nɔ tsu bi ɔ, nga nɔ tso tlɔmɔɔ nɛ je Kipro a kɛ pee lɛ. A topɛ́ tso ɔ mi, nɛ a wo mi suɔ wu.

Nehemia 6:12

Benɛ i susu he bɔɔ ɔ, i na kaa Mawu tsɔ we Shemaya ke e ba de mi nɔ́ ko, se mohu Tobia kɛ Sanbalat nɛ a bɔ lɛ apaa ke e ba wo ye he gbeye ja.

Kronika I, 1:7

Yavan nina ji Elisha bi, Spania bi, Kipro bi, kɛ Roda bi.

Daniel 11:29

“Pee se ɔ, e maa kpale ba tua Egipt ekohu. Se jehanɛ lɛɛ e be kunimi yee kaa kekle ɔ.